Lucas 1:13 - Kalin Apo Dios

¹³ Ngem dat kanan san anghel ken siya, “Adika omegyat Zacarias. Inmaliyak ay mangibaga ken sik-a en dinngen Apo Dios nan lowalom et awnit omanak si Elisabet ay asawam is lalaki dakat ngadanan is Juan.

Lucas 1:13 Iomraidhean Croise

Genesis 17:10

Nan ikkanyo ay mang-ipaila ay tet-ewa ay tongtongpalenyo sak-en ay eng-enggana et masapol ay masegyatan nan lalalaki.

Genesis 17:19

Ngem dat kanan Apo Dios, “Baken tay si asawam ay Sara et awnit omanak is lalaki dakat ngadnan is Isaac. Tongtongpalek ay eng-enggana nan insapatak ken siya ya nan ap-ona.

Genesis 18:14

Ay kanana en waday adi mabalin is ikkak ay apo? Ngem awnit tomet-ewa san kinwanik tay isnan maikasiyam ay bowan daket mensagong isna tay siya di nan omanakan Sara.”

Genesis 25:21

Nabayag ay nin-aasawa da Isaac ken Rebecca dadapay adi kayet omanak isonga dat menseg-ang si Isaac isnan apo ta omanakda koma. Dat tongpalen nan apo nan lowalon Isaac et maliton si Rebecca.

Salmo 113:9

Kaanena nan maibabainan di adi makaanak ay babai isnan mangpagasingana ken siya ay makaanak. Madaydayaw nan apo.

Salmo 118:21

Men-iyamanak apo tay dinngem sak-en et nang-isalakanka.

Mateo 1:21

Awnit omanak siya is lalaki dakayot ngadnan siya is Jesus tay siya nan awnit mangisalakan isnan kaipoipogaw ta adida kadosdosa gapo isnan basbasolda.”

Mateo 14:27

Ngem dat komali si Jesus ay mangwani en, “Laton, laton sa. Sak-en na. Adi kayo omegyat.”

Mateo 28:5

Dat kanan san anghel isnan iinin-a id isdi en, “Adi kayo omegyat. Getkek ay an-anapenyo si Jesus ay nailansa isnan kros

Marcos 16:6

Danat kanan ken daida, “Adi kayo omegyat. Getkek ay an-anapenyo si Jesus ay iNazaret ay nailansa isnan kros ngem maid siya isna tay kasin natago. Ilanyo nan naipay-ana et maiwed siya.

Lucas 1:14

Isnan maiyanakana et men-galalasing kayo ya nan ado ay ipogaw

Lucas 1:30

Ngem dat kanan san anghel, “Adika omegyat Maria tay tet-ewa ay pinabolan Apo Dios sik-a.

Lucas 2:21

Issan maikawao ay agew san onga dadat segyatan dadapay ngadnan tay siya nan ogalin di Judio. Nan inpangadanda et Jesus tay siya san inbagan di anghel esapay mainginaw.

Aapostolis 10:31

Kinwanina ken sak-en, ‘Cornelio, dengdengngen Apo Dios nan lowalom ken siya ya getkena nan ik-ikkam ay mangbadbadang isnan kokodokdo ay ipogaw.

Ookom 6:23

Ngem dat kanan nan apo en, “Adika omegyat. Menlamlamninka tay adika matey.”