Levitico 19:17 - Kalin Apo Dios

¹⁷ Adiyo liligten nan ib-ayo nodi makitoya kayo ay gawis ken daida tapno men-gayyem kayo tapno adi kayo menbasol gapo ken daida.

Levitico 19:17 Iomraidhean Croise

Salmo 141:5

Gawis ken sak-en no nan nalinteg ay ipogaw nan mangpaosto ken sak-en ngem adiyak polos layden ay nan makedse nan mang-it-ek ken sak-en tay nan ilol-owalok et nan mangtobngal isnan ngawi ay ik-ikkanda.

Lucas 17:3

Isonga makail-ilanyo ta adiyo aw-awisen nan ib-ayo ay mang-ikkan is ngawi. No makabasol nan ib-am, sagiitem. Dat no menbabawi et pakawanem.

Roma 1:32

Olay getkenda nan linteg Apo Dios ay mangwani en osto no madosa ay eng-enggana nan ipogaw ay mang-ik-ikkan is dadi ngem ik-ikkanda kayet. Et baken kedkedeng di is ik-ikkanda nodi nan am-amed ngawi et nan men-gasinganda no soloten nan tapin di ipogaw ay mang-ikkan isnan kaneg nan ik-ikkanda.

1 Corinto 5:2

Ngem dakayo et kankananyo en gawigawis nan mangsolsolotanyo ken Kristo dayopay inpalobos nan kaneg todi ay ommat. Gag-awis no menseseg-ang kayo gapo isnan ngawi ay basol ay inikkan nan esa ken dakayo. Siya na nan kanak ay masapol ay ikkanyo. Pakaanenyo siya isnan maitatapiyana ken dakayo isnan simbaanyo.

Galacia 6:1

Bebsatko, naay di kasinko ibaga. No waday mamati is makabasol masapol ay badangan nan ipogaw ay napigsa nan pammatina ya anosana ay mangbadang ken siya ay mangipaila isnan layadna. Ya makailana tay mabalin ay madolog siya gedan.

Efeso 5:11

Adi kayo makiik-ikkan isnan adi kapaay ay ik-ikkan di egay katanggewan di nemnemna. Owen, tay nan ik-ikkanda ay ngawi ay adida ipapaila et kababain is aped masodsodok. Ngem nan gawis ay ik-ikkanyo et siya nan kanega silaw ay mangipaila isnan kangawin nan ik-ikkanda tasiyay omapalda koma isnan gawis dadat isaldeng nan ngawi.

1 Timoteo 5:20

Ngem no tet-ewa ay wada nan basolna ya adina ibabawi et masapol ay masagiit isnan kad-an nan am-in ay ib-ana ay mamati tapno omegyat nan ib-an di mangipangpango ay mang-ik-ikkan isnan ngawi.

1 Timoteo 5:22

No waday piliyenyo is bomadang isnan obla ay pala ken Kristo, adiyo koma ipatang ay dagos nan ledengyo isnan olona ay mangdotok ken siya. Nodi masapol ay paneknekanyo omona no gawis siya ay ipogaw. Tay no baken gawis siya dakayot dotokan et maitapi kayo isnan kangawina. Isonga baken di is ikkam nodi masapol ay nan nadiosan nan ik-ikkam. Masapol ay mapaneknekan nan ipogaw tay olay no wada nan ngawi ay ik-ikkan di ipogaw ay mail-ila ngem wada abes nan ik-ikkan nan tap-ina ay adi kaila. Isonga masapol ay mapaneknekanda sakayopay piliyen. Paliso isnan ik-ikkan di ipogaw ay gawis. Wada nan mail-ila id wani ya wada nan adi. Ngem awnitda magtek am-in. Ya nan esa Timoteo, baken kedeng di danom is in-inomem. Gag-awis no anok-an dakat ominom is bassit ay basi ta agasana nan sakit nan egesmo ya nan tapin di sakitmo tay namin ado ay masaksakitka.

2 Timoteo 4:2

Kanak ken sik-a en ipapatim ay mangibagbaga isnan kalin Apo Dios isnan ipogaw no laydenda ay mangdenge wenno adi. Ipagtekmo nan baken gawis ay ik-ikkanda ta nemnemenda tapno ibabawida. Ibagam abes nan masapol ay ikkanda tapno gawis nan mangsolotanda ken Kristo. Adika isalsaldeng ay men-it-itdo dakapay an-an-anosan nan am-in.

Tito 1:13

Siya di nan kinwanin nan esay kailiyanda et tet-ewa nan kinwanina. Isonga sagiitem daida tapno baken nan adoado ay aped sodsodok di Judio is solsolotenda wenno nan aped bilin di ipogaw ay mang-ad-adi isnan tet-ewa ay mait-itdo ay magapgapo ken Apo Dios. Nodi ostoosto koma nan mangtekanda isnan maipanggep ken Kristo.

Tito 2:15

Siya dadi am-in nan ibagbagam, Tito. Ibagam ta solotenda dakapay ipagtek nan baken gawis ay ik-ikkanda. Ipailam nan kalebbengam ay mang-ikkan is dana tapno adida kanan en maid kalebbengam ay men-itdo.

1 Juan 2:11

Ngem nan mangliliget isnan ib-ana et kaneg mentetetetee isnan menbolinget. Adina getken nan gawis. Kanegna nan ipogaw ay adi mangtek isnan dad-aanena tay kaneg kokowapen nan menbolinget siya.

1 Juan 2:9

No waday mangwani en nalawagan nan nemnemna tay si Kristo nan solsolotena danapay kaliliget nan ib-ana ay mamati et baken tet-ewa nan kankanana. Menbolinget kayet nan nemnemna.