Levitico 19:15 - Kalin Apo Dios

¹⁵ Masapol ay ostoosto nan ikkanyo isnan mangbanaganyo isnan ib-ayo ta adiyo paam-amden nan esa gapo tay kodo wenno baknang.

Levitico 19:15 Iomraidhean Croise

Salmo 82:2

Kanana en, “Kaatna pay nan kabayag nan baken nalinteg ay men-ibanbanaganyo ya nan mang-ab-aboloyanyo isnan mangik-ikkan is ngawi?

Juan 7:24

Adi kayo aped menpabpabasol gapo isnan il-ilaenyo et kedeng nodi nemnemenyo ay osto esakayopay menpabasol.”

Aapostolis 23:3

Dat kanan Pablo ken siya en, “Ayke adi dosaen Apo Dios sik-a abes tay aginngangatoka tay bistaem sak-en maipanggep isnan linteg tako ngem sik-a nan nakabasol tay inpatampikmo sak-en dapay iyadin nan linteg tako di is maikkan.”

Deuteronomio 10:17

Intoloy Moses ay mangwani en, “Nan apo ay Diosyo et siya nan kangatowan isnan am-in. Owen, siya nan kangatowan ya manakabalin isonga masapol ay matongpal. Maid paam-amdena ya adi mabalin ay masogsogan.