Levitico 19:13 - Kalin Apo Dios

¹³ Adiyo osalen nan ib-ayo isnan menkatagoyo gapo tay maid kabaelanda wenno ak-akewan daida. Adiyo iyawniawni is olay esa ay labi nan lagbon nan pinaoblayo.

Levitico 19:13 Iomraidhean Croise

Exodo 20:15

Adi kayo men-ak-akew.

Exodo 22:21

Dat itoloy Apo Dios ay mangibagbaga isnan tap-in di bilina et kanana en, “Adiyo soksokilan wenno paligligaten nan sangaili. Nenemnemenyo ay dakayo et sangaili kayo gedan id Egipto.

Mateo 20:8

Maaw-awni pay dat kanan san am-ama isnan apon di baana en, ‘Ayagam nan men-ob-obla ta bayadam nan lagboda. Ilogim isnan naodi ay inmey enggana isnan inmona.’

Marcos 10:19

Getkem met nan linteg Apo Dios ay kanana, ‘Adika menpatpatey, adika mamabai, adika mangak-akew, adika menpabpabasol isnan ib-am, adika men-al-allilaw ya masapol ay tongpalem da amam ken inam.’”

Lucas 3:13

“Adi kayo mensingsingil is sobla nodi nan ostoosto nan singilenyo,” insongbatna ken daida.

1 Tesalonica 4:6

Adiyo pod ikkan nan ngawi isnan ib-ayo ay mangiseyep isnan asawana tay awnit baesan Apo Dios ay mangdosa isnan mang-ik-ikkan is dana. Insisigodmi ay nangibaga is dana id kasin.

1 Timoteo 5:18

Tay kankanan Apo Dios isnan naisolat ay kalina en, “Adika op-opotan nan topek nan baka ay men-ilik isnan pagey.” Kinwanina di tay olay baka et masapolna nan kanena tay siya di nan kanegna lagbo. Isonga am-amed nan ipogaw tay isnan esay naisolat ay kalin Apo Dios et kankanana abes en, “Nan makibalasa et masapol ay malagbo.”

Santiago 5:4

Getken Apo Dios ay kangatowan ay Apo ay sos-owitikenyo nan mangsamsama isnan payewyo. Dengdengngena nan mensegseg-anganda ken siya ta badangana daida tay adi omanay nan ilaglagboyo ken daida.