Levitico 19:11 - Kalin Apo Dios

¹¹ Adi kayo men-ak-akew wenno mensos-owitik wenno menkamkampot.

Levitico 19:11 Iomraidhean Croise

Salmo 101:7

Nan men-al-allilaw et adi mabalin ay mentee isnan baeyko ya nan kampotan et adi mabayag ken sak-en.

Salmo 116:11

Ya olay no kinwanik isdin omeegyatak en, “Maid pay ipogaw is matalek.”

Exodo 20:15

Adi kayo men-ak-akew.

Exodo 20:16

Adi kayo menpabpabasol isnan ib-ayo.

Exodo 20:17

Adiyo ap-apalan nan baey nan ib-ayo, nan asawana, nan baana, nan bakana, nan kabayona wenno kompolni ay kokwana.”

Levitico 19:10

Adi kayo somagsagong isnan kad-an di es-esek ay mang-al-ala isnan nabay-an wenno mangpidit isnan naekdag. Ibay-anyo pala isnan kodo ya pala isnan sangaili. Sak-en nan apo ay Diosyo.

Roma 3:4

Tay olay no menkamkampot am-in nan ipogaw et adi polos mabalin ay menkampot si Apo Dios. Kaneg nan naisolat isnan kalina id kasikasin ay mangwani en, “Tet-etet-ewa ay magtek ay ostoosto nan am-in ay ikkan ya nemnem Apo Dios isnan kankanana. Olay no waday mangipabasol ken siya ngem siya kayet nan tet-ewa.” Siya di nan naisolat ay maipanggep ken siya.

Efeso 4:25

Isonga adi tako koma menkamkampot nodi nan tet-ewa et kedeng nan kankanan tako isnan ib-a tako tay datako ay mamati et naitapi tako am-in isnan awak Jesu Kristo.

Efeso 4:28

No waday mangakew ken dakayo et masapol ay isaldengna et ta bomikas ay men-obla is katagowana ya tasiyay wada gedan di ibadangna isnan kodokdo.

Deuteronomio 5:19

Adi kayo men-ak-akew.

Colosas 3:9

Adi kayo pay menlinlinastog tay inwasityo nan sigod ay nemnemyo ya ogaliyo

1 Timoteo 1:10

Wada nan linteg abes tay wada nan mamabai ya lomalaki ya lalaki ay mang-alem isnan ib-ana ay lalaki ta asawaen. Nan ipogaw ay mangdepap isnan ib-ana ay ipogaw ta menbaana ya nan ipogaw ay menkampot ay olay no mensapatada et siya dadi nan gapo ay masapol ay wada nan linteg. Am-in ay mait-itdo ay adi maibagay isnan gawigawis ay damag ay maipanggep ken Apo Dios ay kangatowan ya kaoostowan et siya dadi nan gapo ay inted Apo Dios nan lintegna isnan kaipoipogaw. Nan gawigawis ay damag ay kinwanik et siya di nan intalek Apo Dios ken sak-en ta it-itdok isnan kaipoipogaw.

Naipagtek 21:8

Ngem nan mang-ik-ikkan is ngawi et kaeegyat nan awnit ommat ken daida tay am-in ay mangsolot ken Satanas ay kaneg nan adi matalek ya nan mangdokog isnan pammatida gapo isnan egyatda isnan ligat ya nan makiseyseyep isnan bakenda asawa ya mang-ik-ikkan isnan tap-in di asiasi ay kaneg todi ya nan menpatey is ipogaw, nan mentala ya men-ap-apos, nan mangpatpati is sinang didios ya am-in ay menkamkampot et awnitda mentetetetee isnan anaanawa ay menbidbidangan nan apoy ay kaneg nalilibowan ay makwani en maikadwa ay tetey.”