Juan 9:2 - Kalin Apo Dios

² Dat sooten nan papasolotna ken siya, “Apo, ay sino nan kabasol isnan naiyanakana ay kowap? Ay siya ngen wenno nan makin-anak?”

Juan 9:2 Iomraidhean Croise

Exodo 20:5

Adi kayo mendaydayaw wenno mensilsilbi isnan kompolni ay aped sinapsapon di ipogaw tay sak-en nan apo ay Diosyo et adiyak kayten ay waday maiyis-iso ken sak-en. Et isnan mang-adi ken sak-en et dosaek daida ya nan an-akda enggana isnan maikatlo ya maikap-at ay ap-oda.

Mateo 16:14

Dat kanan nan papasolotna en, “Wada nan mangwani en sik-a din si Juan ay Menbonbonyag. Nan tap-in di ipogaw et kananda en sik-a din si Elias dapay kanan kayet nan tap-ina en sik-a din si Jeremias wenno din ib-an di mamadton Apo Dios.”

Mateo 23:7

Kaytenda abes ay malispito isnan enda menpasyalan ya kaytenda abes ay makmakwani en mistolo.

Mateo 23:8

Ngem dakayo et adiyo ipalobos nan ib-ayo ay mangwani ken dakayo en mistolo tay sinbebsat kayo am-in et kedengak is mistoloyo.

Lucas 13:2

Dat kanan Jesus ken daida, “No napateyda ay keg todi, waay kananyo en siya nan mangipaila ay am-amed nan basolda mo nan ib-ada ay iGalilea.

Juan 4:31

Issan kinmaanan san babai isnan kad-an da Jesus dat kanan san papasolotna ken siya, “Apo, aka ta manganka od.”

Juan 9:1

Issan mendad-aanan Jesus et inilana nan esay lalaki ay naiyanak ay kowap.

Juan 9:34

Dadat kanan, “Naiyanakka ay managbasol dakapay aped isolsolowan dakami?” Dadat pakaanen siya.

Aapostolis 28:4

Idi inilan nan omili nan oweg ay mentatayon isnan ledeng Pablo dadat men-asikwani, “Waay ninpatey is ipogaw tay dey olay egay katey isnan baybay ngem bakena gasat ay matago kayet.”