Juan 8:21 - Kalin Apo Dios

²¹ Intoloy kasin Jesus ay mangwani en, “No komaanak et awnit kayo mang-an-anap ngem adi kayo makadateng tay awnit kayo matey dapay egay kapakawan nan basbasolyo isonga adi kayo makaey isnan omayak.”

Juan 8:21 Iomraidhean Croise

Isaias 65:20

Awnit adi et matmatey nan engnga ya am-in nan ipogaw et adida katkatey engganay sokod maeteetengda. Nan sin-gasot nan tew-enda et kanegda adi kaet-et-eteng. No matey esapay omdan nan naigeddeng ay biyagna et siya nan mang-ipaila ay dinosak siya.

Mateo 23:39

Ibagak ken dakayo en adi kayo kasin mang-il-ila engganay kananyo en, ‘Madaydayaw si Kristo ay inmali isnan ngadan Apo Dios.’”

Mateo 25:41

Daket kanan abes isnan wada isnan makanigidko en, ‘Komaan kayo tay dakayo nan dosaen Apo Dios. Maitep-a kayo isnan apoy ay adi katkatey ay naisagana ken Satanas ya nan baana ay aanghel ay nangdokog ken Apo Dios.

Mateo 25:46

Isonga datona nan omey isnan dosa ay maid patenggana. Ngem nan gawis nan ogalida et matagotagoda ken Apo Dios.”

Juan 12:33

Kinwanina na ta ipagtekna nan kateyana ay mailansa siya isnan kros.

Juan 12:35

Dat kanan Jesus, “Sak-en nan silaw et sin-awyan pay et kedeng nan menteak ken dakayo. Isonga omali kayo isnan silaw tay kakad-ana pay ken dakayo ta adi kayo kalabiyan. Tay nan mendad-aan isnan menbolinget et adina getken nan omay-ayana.

Juan 13:33

An-akko, sin-awyan pay et kedeng nan kawad-ak ken dakayo. Awnit kayo mang-an-anap ngem ibagak ken dakayo id wani din inbagak isnan aap-apon di Judio en adi kayo makaey isnan omayak.

Juan 7:34

Et awnit kayo mang-an-anap ngem adi kayo makadateng tay nan omayak et adi kayo makaali.”

Juan 7:36

Ay ngan ngen nan kayat ay kanan nan inbagana en awnit tako an-anapen siya ngem adi tako makadateng ya nan inbagana gedan en adi tako makaey isnan omayana?” kinwanida.

Juan 8:24

Isonga inbagak en awnit matey kayo dapay egay kapakawan nan basbasolyo et maisisisisiyan kayo ken Apo Dios no adi kayo mamati ay sak-en nan inbaana.”

Efeso 2:1

Id kasin, isdin egay kayo namatiyan et kaneg kayo natey gapo isnan basbasolyo.