Juan 8:12 - Kalin Apo Dios

¹² Kasin ninkali si Jesus isnan kaipoipogaw danat kanan, “Sak-en nan silaw ay mangtanggew isnan nemnem di ipogaw isnan batawa. Nan mamati ken sak-en dat mang-onod et matanggewan siya ta makaan nan menbolinget isnan nemnemna tasiyay maagtan is biyag ay maid patenggana.”

Juan 8:12 Iomraidhean Croise

Salmo 18:28

Sik-a, apo, nan silawko et sik-a, Diosko, nan mangpapat-a isnan kinabolingetko.

Salmo 49:19

et awnit gedan matey ay kaneg din alal-apona et maitapi ken daida isnan teanda ay menbolinget ay eng-enggana.

Salmo 97:11

Bindisyonana nan nalinteg et menlagsak nan gawis ay ipogaw.

Isaias 49:6

Dat kanan nan apo ken sak-en en, “Wada nan am-ammed ay ipaoblak ken sik-a ay baak. Baken kedeng nan mang-isagongam isnan kinangaton nan ipogaw di Israel ay nabay-an is ikkam nodi ibaak sik-a pay ay omey mang-itdo isnan baken Israelita ay manglawag isnan nemnemda ta waday waya ay maisalakan am-in ay ipogaw isnan batawa.”

Isaias 9:2

Nan ipogaw isdi et menbolinget nan nemnemda isonga kanegda natey tay adida getken si Apo Dios. Ngem awnit isdi nan mentanggewan nan silaw tay omey nan mang-isolo ken daida et awnit matanggewan nan nemnemda.

Oseas 6:3

Getken tako ay siya nan tet-ewa ay apo isonga ipapati tako ay manggetek pay kayet ken siya. Nan katet-ewan nan awnitna omaliyan ken datako et kaneg nan sigolado ay domatngan nan tan-o ya nan tet-ewa ay domatngan di odan.”

Malakias 4:2

Ngem dakayo ay mangtongtongpal ken sak-en et awnit bomala nan kabaelak ay mangisalakan ken dakayo ya pagawisena dakayo ay kaneg nan ikkan nan agew. Awnit kayo men-gasgasing ay kaneg nan koyaw ay naipopokay tay mawayaan kayo.

Mateo 5:14

Dat kasin kanan Jesus, “Nan ili isnan bilig et adi polos maigago. Siya nan kanegyo tay dakayo nan kaneg silaw ay mangtanggew isnan nemnem di ipogaw.

Lucas 2:32

Kaneg siya nan silaw ay mang-itdo olay isnan baken Judio tapno ilaenda nan daan ay omey ken sik-a. Isonga gapo isnan onga ay naay awnit madayaw nan Judio.”

Juan 12:35

Dat kanan Jesus, “Sak-en nan silaw et sin-awyan pay et kedeng nan menteak ken dakayo. Isonga omali kayo isnan silaw tay kakad-ana pay ken dakayo ta adi kayo kalabiyan. Tay nan mendad-aan isnan menbolinget et adina getken nan omay-ayana.

Juan 12:36

Iso ngalod nga mamati kayo ken sak-en ay silaw isnan kakad-ak ken dakayo tapno matatanggewan nan nemnemyo.” Kinwanin Jesus di dat komaan et itabonana daida.

Juan 12:46

Inmaliyak ay silaw isnan batawa ta tanggewak nan nemnem am-in nan mamati ken sak-en ta adida mentetee isnan menbolinget.

Juan 14:6

Dat kanan Jesus, “Sak-en nan daan tay kedengak is kagapowan di biyag ya kedengak is mangibagbaga isnan tet-ewa et maiwed makaey ken Ama no adi mendaan ken sak-en.

Juan 3:19

Nan kapabasolanda et inmali nan silaw isnan batawa ngem pawedwed-en kayet nan ipogaw nan menbolinget mo nan menpat-a gapo isnan ngawi ay ik-ikkanda.

Juan 7:17

Nan manglayad ay mang-ikkan isnan layden Apo Dios et getkena no sak-en nan kagapgapowan nan kankanak wenno si Apo Dios.

Juan 9:5

Et isnan kawad-ak isnan batawa et sak-en nan silaw ay mangtanggew isnan nemnem di ipogaw.”

Aapostolis 13:47

Tay siya nan inbilin Apo Dios ken dakami isnan nangwaniyana en, ‘Ibaak sik-a ay omey mang-itdo isnan baken Judio ay manglawag isnan nemnemda ta waday waya ay maisalakan nan am-in ay kaipoipogaw isnan batawa.’ Siya di din inbagan Apo Dios.”

Aapostolis 26:23

Tay inbagada en awnit wada nan ibaan Apo Dios ay si Kristo et masapol ay matey siya ngem awnit siya nan damo ay kasin matago. Et siya nan mangipagpagtek isnan Judio ya nan baken Judio tapno malawagan nan nemnemda ta maisalakanda.”

2 Pedro 2:17

Ngem nan deeyda ay ipogaw et maid paayda. Kanegda nan natdok ay balaan ya kanegda abes nan liboo ay nalaka ay itayaw di dagem. Ngem epdas naisagana ken daida nan awnitda mentean ay menbolilinget.

2 Pedro 2:4

Olay nan aanghel ay binmasol id kasikasin et dinosan Apo Dios daida ay nangipaey ken daida isnan pagdosaan. Inpaeyna daida isnan adaadaem ay lengaw ay menbolinget. Wadada isdi engganay banagen Apo Dios nan am-in. No keg todi nan inommat ken daida olay no aanghelda et am-amed nan madosaan nan aped ipogaw ay binmasol.

1 Juan 1:6

Isonga no waday mangwani en kinibkib-ana si Apo Dios dapay no ngawi nan ik-ikkana et menkamkampot tay adina ik-ikkan nan kaneg nan kankanana.

Judas 1:13

Kegda abes nan dakkel ay dalloyon isnan baybay tay kaneg nan kailaan nan kadodogis isnan osabna et kanegna abes nan kailaan nan ngawi ay ogalida. Ya kanegda nan talaw ay aped menlawlawlaw ay maid osto is menteanda isonga maid ibadangda. Isonga awnit ipa-ey Apo Dios daida isnan menbolilinget tapno isdi nan menteanda ay eng-enggana.

Judas 1:6

Ya nan aanghel gedan ay nangtaynan isnan osto ay menteteanda ya lebbengda et inbalod Apo Dios daida ay nangipaey ken daida isnan menbolinget engganay omdan nan agew ay banagena nan am-in ta madosada.

Naipagtek 21:24

Am-in nan ipogaw isnan batawa et matanggewanda isnan silawna. Ya am-in ay mentolay et iyeyda nan kinabaknangda isnan deey ay ili ay mangipaila isnan layadda. Owen, am-in nan kinabaknang ya kinadayaw isnan nateketeken ay ili et maeyey isnan deey ay ili. Nan deeyday segpan issan deey ay ili et adida kailiklikep nodi matototokaban ay eng-enggana tay adi kalablablabi isdi.