Juan 7:7 - Kalin Apo Dios

⁷ Adi mabalin ay kaliliget nan adi mamati ken Apo Dios dakayo ngem kaliligetda sak-en tay ibagbagak ay ngawi nan ik-ikkanda.

Juan 7:7 Iomraidhean Croise

Salmo 109:5

Ngawi nan ikkanda ken sak-en isnan gawis ay inikkak ken daida dadapay mang-aamis isnan manglaylaydak ken daida.

Isaias 49:7

Wada nan kinwanin nan Dios ay kangatowan ay mang-isalsalakan isnan Israel. Kinwanina isnan baana ay maoy-oyaw ya liligten di il-ili ya baan gedan nan mentotolay en, “Awnit ilaen nan aali sik-a dadat tomakdeg ay mang-ipaila isnan panangdayawda ken sik-a. Awnit gedan ilaen nan tap-in di mentotolay sik-a dadat abes menlokbob ay mangdayaw ken sik-a. Awnit ommat na tay nan apo ay Dios di Israel et pinilina nan baana et tongtongpalena nan inkalina.”

Jeremias 20:8

Et no tonggal menkaliyak et kanayon ay ibibiyadko ay mangwani en kaeegyat nan ommat ken dakayo tay awnit dadama nan dosayo. Nan mang-ibagbagaak isnan kalim nan gapo ay mang-oyaoyawda dadapay mangselaselat.

Lucas 6:26

Kaseseg-ang kayo no it-it-ek nan ipogaw dakayo olay baken tet-ewa ay kaneg din inik-ikkan din alal-apoyo ay nang-it-it-ek isdin baken tet-ewa ay mamadto.”

Juan 17:14

Inpagtekko nan kalim isnan papasolotko ngem inaamis nan adi mamati daida tay bakenda od ib-a daida ay kanegko ay bakenko gedan ib-a daida.

Juan 3:19

Nan kapabasolanda et inmali nan silaw isnan batawa ngem pawedwed-en kayet nan ipogaw nan menbolinget mo nan menpat-a gapo isnan ngawi ay ik-ikkanda.

Roma 8:7

Tay nan ipogaw ay mangnemnemnem isnan kaykayatna et ap-aposena si Apo Dios. Adina tongpalen nan linteg Apo Dios tay nan tet-ewa et adi kabalin ay ikkana.

Galacia 4:16

Ngem dakayon natken id wani? Ay kananyo ngen en bosbosowek dakayo gapo isnan mangibagbagaak isnan tet-ewa ken dakayo?

Santiago 4:4

Ay apo kayo ay adi matalek ay mangtongpal ken Apo Dios. Tay nan il-ilaenyo isnan batawa nan pakaam-amdenyo mo siya. Ay adiyo getken ay no laylaydenyo nan wada isnan batawa ay gomasingan di adi mamati et adi kabalin ay gayyemenyo si Apo Dios? Isonga no siya di nan kayatyo ay ikkan et boson Apo Dios dakayo.

1 Juan 4:5

Nan agin-iisolo et men-iiso nan nemnemda isnan iib-ada ay adi mamati ken Apo Dios. Isonga ibagbagada nan kaneg nan kankanan nan adi mamati. Siya di nan gapo ay laylayden nan adi mamati ken Apo Dios ay mangdengdenge ken daida.