Juan 7:37 - Kalin Apo Dios

³⁷ Nan kaodiyan ay agew isnan Fiestan di Bawbawi et siya nan kawedwedaan. Issan deey ay agew tinmakdeg si Jesus danat ibibiyad ay mangwani, “No sino nan maewew dat omali ken sak-en ta ominom.

Juan 7:37 Iomraidhean Croise

Salmo 143:6

Ingatok nan ledengko ay menlowalo ken sik-a. Mailiwak ken sik-a ay kaneg nan maewewan nan naaango ay lota is danom.

Salmo 42:2

Mailiwak ken sik-a, sik-a ay matatago ay Dios. Tongona pay, Apo Dios, nan makaeyak isnan kad-am?

Salmo 63:1

Apo Dios, sik-a nan Diosko et kakakayatko ay mang-edas ken sik-a. Mailiwak ken sik-a ay kaneg nan maewewan nan naaango ay lota is danom.

Proverbio 9:3

danat ibaa nan baana ay bababai ta omeyda isnan kangangatowan ay logal nan ili ta mendekatda ay mang-ibogaw en,

Isaias 40:2

Pagasingenyo nan ipogaw di Jerusalem. Ibagayo ken daida en naanay nan ninligligatanda. Nasbot et nan basbasolda. Naanay et nan dosak ken daida.”

Isaias 40:6

Wada nan kali ay mangwani en, “Ipagtekmo nan naay.” Daket kanan, “Ngan di ipagtekko?” Danat kanan, “Ibagam en nan am-in ay ipogaw et kanegda logam ya nan kabegewda et kaneg nan bayaya ay nalaka ay maango.

Isaias 44:3

Awnitak agtan is danom nan ili ay maewew ya pabal-ek nan ginawang isnan nanakgang ay lota. Kaneg todi nan ikkak ay mang-ibokbok isnan panakabalinko isnan an-akmo ya ikkak ay mangbindisyon isnan ap-om.

Isaias 55:1

Kanan nan apo en, “Omali kayo am-in ay naewew tay naay di danom. Omali kayo dakayo ay maid sipingna ta lomako kayo is makan dakayopay mangan. Omali kayo ta lomako kayo is mainom et adi masapol di bayadanyo dana.

Isaias 55:3

Dengngenyo ay ipogawko dakayot omali ken sak-en. Omali kayo ken sak-en ta wada nan biyagyo. Makitolagak ken dakayo is tolag ay eng-enggana daket idya ken dakayo san bindisyon ay inkalik ken David.

Isaias 58:1

Dat kanan nan apo, “Ibogawmo isnan am-in ay pigsam ta ipagtekmo isnan ipogaw di Israel nan basbasolda.

Ezekiel 47:9

Isonga am-in ay men-ayosan nan danom ay naay et mawada nan nateketeken ay ikan ya animal isnan sag-ena. Pagawisen nan naay danom nan danom isnan Natey ay Baybay. Am-in ay daanen nan danom ay naay et maagtan is biyag.

Mateo 11:28

Danat kanan en, “Dakayo ay nabbay ya mapalpaligatan et omali kayo ken sak-en ta paibbayek dakayo.

Mateo 3:3

Si Juan et siya nan inbagan din mamadto id sang-adom ay si Isaias ay mangwani en, “Wada isnan bilbilig nan mangibogbogaw en, ‘Isaganayo nan daanen nan Apo tako ay awnit omali. Pagawisenyo nan daan ay mendaanana.’”

Mateo 5:6

Nagasat nan manglaylayad ay mang-ikkan isnan layden Apo Dios tay awnit mapnekda.

Juan 1:23

Dat kanan Juan, “Sak-en nan mangtongpal isdin kinwanin Isaias ay mamadto id kasikasin ay nangwani en, ‘Wada isnan bilbilig nan mangibogbogaw en enkayo menletgen nan daanen nan Apo tako ay awnit omali.’”

Juan 14:6

Dat kanan Jesus, “Sak-en nan daan tay kedengak is kagapowan di biyag ya kedengak is mangibagbaga isnan tet-ewa et maiwed makaey ken Ama no adi mendaan ken sak-en.

Juan 4:10

Dat kanan Jesus, “No getkem koma nan idyan Apo Dios ya no sinowak ay mangmangwani en painomem et ibagam koma tapno agtak sik-a isnan danom ay mang-idya is biyag.”

Juan 4:11

Dat kanan san babai, “Apo, maid met igaodmo dapay adaadaem nan naay ay bobon. Ay intoy apedmo mang-alaan is danom ay mang-idya is biyag?

Juan 4:14

ngem nan mang-inom isnan idyak ay danom et adi kaew-ewew. Tay nan danom ay idyak et menbalin ay kaneg balaan ay adi katkatdok isnan awakna ay mang-idya ken siya is biyag ay eng-enggana.”

Juan 5:40

Ngem dayon ngalod adyan ay mamati ken sak-en tapno matagotago kayo ay eng-enggana?

Juan 6:35

Dat kanan Jesus, “Sak-en nan makan ay mang-idya is biyag tay nan omali ay maitapi ya mamati ken sak-en et adi kaoowat ya adi kaew-ewew.

Juan 6:37

Am-in nan ipogaw ay iyalin Ama ken sak-en et awnitda mamati ken sak-en. Et nan omali ken sak-en et adiyak polos ad-adyan.

Juan 6:55

Tay nan awakko nan tet-ewa ay makan ya nan basak nan tet-ewa ay mainom.

Juan 7:28

Ngem issan men-isolsolowan Jesus isnan Templo et inbibiyadna ay mangwani, “Kananyo kayman en mangtek kayo ya getkenyo nan nagapowak. Ngem adiyo getken adi tay bakenak is kanemnem ay aped inmali nodi wada nan nangibaa ken sak-en et siya nan tet-ewa ay nagapowak. Adiyo getken siya ngem

1 Corinto 10:21

Tay adi kabalin ay maitaptapi kayo isnan mainom ay mangipagtek isnan mamatiyanyo ken Kristo dakayot abes maitapi isnan mangipagtek isnan mamatiyanyo isnan anito. Ya adi kabalin abes ay makikan kayo isnan mangipanemnem ken Kristo dakayot makikan abes isnan naiboyag isnan anito.

1 Corinto 10:4

Olay nan tapin di danom ay inin-inomda et inpabalana isnan bato. Naiyalig san bato ken Kristo ay mang-it-ited isnan masapol nan ipogawna. Tay si Kristo nan nangtaktakdo ken daida ay nang-it-ited isnan masapolda.

1 Corinto 11:25

Nakwas nan nangananda danat alaen nan inomenda. Danat kanan en, “Nan naay ay mainom et siya nan kaiyaligan nan balo ay tolag Apo Dios isnan ipogaw. Nan mangipatet-ewa isnan balo ay tolag et nan basak ay men-ayos isnan mateyak. Ik-ik-ikkanyo na ta adiyo kalkalingkingan sak-en.” Siya dadi nan inbilin Jesus.

1 Corinto 12:13

Tay olay no adoado tako ay mamati et kaneg es-esa nan awak tako gapo isnan maitatapiyan tako ken Jesus, olay no Judio wenno baken ya baa wenno baken. Tay es-esa nan Ispirito ay naited ken datako et siya nan nang-esa ken datako isnan naitapiyan tako ken Jesus isnan menpabonyagan tako.

Efeso 5:18

Adi kayo menbotboteng tay nan maboteng et adina getken nan kankanana ya nan ik-ikkana. Nodi nan Ispirito Santo koma nan mangipanemnem ken dakayo isnan gawis.

Naipagtek 21:6

Danat kanan abes, “Nakwas et tay kinwasko am-in. Sak-en nan nangwada isnan am-in ay wada ya sak-en gedan nan mangkombos isnan am-in. Nan maewew et agtak siya is kalebbengana ay ominom isnan danom ay adi kalakowan ay magapo isnan balaan ay mang-ited is biyag ay maid patenggana.

Naipagtek 22:1

Nakwas pay di dat ipailan san anghel nan ginawang ay kad-an di danom ay mang-ited is biyag. Menlengleng nan danomna ay magapgapo isnan tokdowan di mentolay ya nan Kalnilo.

Naipagtek 22:17

“Omali kayo am-in ta maitapi kayo,” kanan nan Ispiriton Apo Dios ya nan ipogawna ay kaiyaligan di awnit asawaen nan Kalnilo. “Owen, omali kayo,” kanan nan mangdenge isnan naayda. Am-in kayo ay mangkayat et ay-ayaganda dakayo ta am-in kayo ay maew-ewew et omali kayo koma ta dawatenyo ay ominom isnan danom ay maid bayadna ay mang-ited is biyag.