Juan 7:17 - Kalin Apo Dios

¹⁷ Nan manglayad ay mang-ikkan isnan layden Apo Dios et getkena no sak-en nan kagapgapowan nan kankanak wenno si Apo Dios.

Juan 7:17 Iomraidhean Croise

Salmo 119:10

Isnan am-in ay kabaelak et kalalayadko ay mensilbi ken sik-a. Adim koma itolok ay adiyak tongpalen nan bilbilinmo.

Salmo 25:12

Sino ngen nan mang-iyegyat isnan Apo? Nan apo nan mangiwaned ken daida isnan daanenda.

Salmo 25:14

Nan mangtongpal isnan apo et daida nan gagayyemna. Awnitna ipakneg nan nakitolagana ken daida.

Isaias 35:8

Awnit wada nan nalawa ay daan ay makwani en Nadiosan ay Daan tay maid managbasol is mendad-aan isdi ya maid mang-al-allilaw isnan mendaan isdi.

Daniel 12:10

Adoado nan awnit madalosan. Nan makedse et awnit adida maawatan nodi mentotoloyda ay makedse ngem nan masilib et awnitda maawatan.

Oseas 6:3

Getken tako ay siya nan tet-ewa ay apo isonga ipapati tako ay manggetek pay kayet ken siya. Nan katet-ewan nan awnitna omaliyan ken datako et kaneg nan sigolado ay domatngan nan tan-o ya nan tet-ewa ay domatngan di odan.”

Mikias 4:2

Et awnit kanan nan kaipoipogaw isnan iib-ada en, ‘Tomikid tako isnan bilig nan apo. Owen, entako isnan kad-an di Templon nan Dios di Israel. Tay awnitna itdo nan kaytena ay ikkan tako ta awnit tako maiwaned ken siya.’ Tay nan it-itdon nan apo et magapo id Jerusalem ay makwani en Sion tay isdi nan makikalkaliyana isnan ipogawna.

Malakias 4:2

Ngem dakayo ay mangtongtongpal ken sak-en et awnit bomala nan kabaelak ay mangisalakan ken dakayo ya pagawisena dakayo ay kaneg nan ikkan nan agew. Awnit kayo men-gasgasing ay kaneg nan koyaw ay naipopokay tay mawayaan kayo.

Mateo 6:22

Dat itoloy Jesus et kanana en, “Nan mata et siya nan kaneg nan silaw nan awak isonga no gawis nan pangiilam isnan ib-am et kaneg menpat-a nan awakmo tay gawis nan wada isnan nemnemmo.

Lucas 8:15

Ngem nan gawis ay lota ay natekdagan di bonobon et siya nan ipogaw ay mangdedenge isnan kalin Apo Dios danat is-ek ay gawis isnan nemnemna danapay itoltoloy ay mangpatpati engganay bomgas nan kalin Apo Dios isnan biyagna.”

Juan 3:21

Ngem nan mang-ik-ikkan isnan gawis et somag-enda isnan silaw tasiyay ipailada ay si Apo Dios nan mangbadbadang isnan gawis ay ik-ikkanda.

Juan 8:43

Ngem aytay dayon adi maawatan nan kankanak? Owen, gapo tay totowengenyo nan ibagbagak.

Juan 8:44

Dakayo nan an-ak Satanas ay amayo isonga laydenyo ay mangtongtongpal isnan laydena. Enggana isdin damo et ninpatpatey siya. Maiwed tet-ewa is kankanana tay siya di nan sigod ay ogalina ay menlaslastog. Isonga siya nan kagapowan nan am-in ay kinalastog.

Juan 8:47

Nan an-ak Apo Dios et idngeda nan ibagbagana. Ngem nan gapo ay adiyo idnge siya et tay bakena an-ak dakayo.”

Aapostolis 17:11

Nan Judio id Berea et gag-awis nan nemnemda mo nan Judio id Tesalonica tay laylaydenda ay mangdengdenge isnan kankanan Apo Dios. Inagew ay basbasaenda nan naisolat ay liblon Apo Dios ta ilanda no tet-ewa nan isolsolon da Pablo.