Juan 5:38 - Kalin Apo Dios

³⁸ ya adiyo ipateg nan inbagana tay adiyo patiyen sak-en ay inbaana.

Juan 5:38 Iomraidhean Croise

Salmo 119:11

Ipasnekko isnan nemnemko nan lintegmo tapno adiyak makabasol ken sik-a.

Isaias 49:7

Wada nan kinwanin nan Dios ay kangatowan ay mang-isalsalakan isnan Israel. Kinwanina isnan baana ay maoy-oyaw ya liligten di il-ili ya baan gedan nan mentotolay en, “Awnit ilaen nan aali sik-a dadat tomakdeg ay mang-ipaila isnan panangdayawda ken sik-a. Awnit gedan ilaen nan tap-in di mentotolay sik-a dadat abes menlokbob ay mangdayaw ken sik-a. Awnit ommat na tay nan apo ay Dios di Israel et pinilina nan baana et tongtongpalena nan inkalina.”

Juan 1:11

Inmali isnan osto ay ilina ngem inadyan nan kailiyana siya.

Juan 15:7

Ngem no itoltoloyyo ay mentetee ken sak-en ya idngeyo nan kalik dakayot ibaga nan kayatyo ken Ama et awnit maikkan ken dakayo.

Juan 8:37

Getkek ay ap-on din si Abraham dakayo ngem laydenyo pay laeng ay mangpatey tay adiyo patiyen nan isolsolok.

Colosas 3:16

Adiyo kalkalingkingan nan am-in ay dinngeyo ay inbagan Kristo nodi osalenyo nan silib ay intedna ken dakayo ay men-initdo ya menbinagbaga. Kantaenyo nan mangipanemnem isnan kalin Apo Dios ya dayawenyo siya abes isnan kantayo. Ya men-iyaman kayo ay osto ken siya.

1 Juan 2:14

Mensolatak ken dakayo ay naam-ama tay getkenyo si Jesu Kristo ay maid logina. Sigod ay wada sapay mawada nan am-in ay naboliw. Mensolatak ken dakayo ay egay kaam-ama tay napigsa nan pammatiyo gapo isnan mangitoltoloyanyo ay mangnemnemnem isnan kalin Apo Dios. Siya di nan gapo ay inabakyo si Satanas.