Juan 5:21 - Kalin Apo Dios

²¹ Si Ama et tagowena nan natey et siya abes nan ikkak ay Anakna tay agtak is biyag nan laydek ay agtan.

Juan 5:21 Iomraidhean Croise

1 Aali 17:21

Danat gat-onan san awak san onga is mamintolo dapay menlowalo en, “apo ay Diosko, pangaasim ta tagowem nan naay onga.”

2 Aali 5:7

Idi binasan nan alin di Israel nan solat dat makolkol nan nemnemna isonga danat singaten nan badona danapay kanan en, “Ayta dan kanan nan alin di iSiria en agasak nan naay ipogaw. Ay kanana ngen en diosak ta mabalin ay makatagowak ya makapateyak? Kagtekana ay kaytena et kedeng ay men-ilogi is sape.”

Juan 11:25

Dat kanan Jesus, “Sak-en nan mangtago isnan natey tay sak-en nan mang-idya is biyag. Am-in ay mamati ken sak-en olay no matey et awnit matago kasin

Juan 17:2

Tay inyalim nan kalebbengak isnan am-in ay ipogaw tasiyay agtak is biyag ay maid patenggana nan am-in ay mamati ken sak-en.

Juan 6:63

Nan mang-idya is biyag et nan Ispirito et nan ipogaw et maid maikkana isonga no patiyenyo nan kankanak et idyan Apo Dios ken dakayo nan biyag ay maid patenggana.

Aapostolis 26:8

Ay adi kayo abes mamati ay kabaelan Apo Dios ay mangtago isnan natey ay ipogaw?

Roma 8:11

Et no wada ken dakayo nan Ispiriton Apo Dios ay nangtago ken Kristo et awnitna tagowen abes nan awakyo isnan mateyanyo gapo isnan mentetean nan Ispiritona ken dakayo.

1 Corinto 15:45

Getken tako dadi tay wada nan naisolat isnan kalin Apo Dios ay mangwani en naagtan nan damo ay ipogaw ay si Adam is biyagna et siya nan kaneg tako ay nagapo ken siya. Ngem nan biyag ay nagapo ken Adam et matey. Ngem ninbalin si Kristo is ipogaw ay makwani en kombos Adam ay mang-ited isnan biyag ay maid patenggana.

Deuteronomio 32:39

Kedkedengak is apo tay maid teken is tet-eway Dios. Menpateyak ya mentagowak. Mensogatak ya men-agasak. Et maid makaiyadi isnan ik-ikkak.