Juan 4:24 - Kalin Apo Dios

²⁴ Si Apo Dios et manakabalin ay adi kaila isonga olay no intoy kad-am et wada siya isonga masapol ay dayawenda siya isnan kinatet-ewa ya isnan osto ay nemnemda.”

Juan 4:24 Iomraidhean Croise

Salmo 145:18

Asag-en siya isnan mendawat ay nan adi mendowadowa ay mendawat ken siya.

Salmo 50:23

Nan mangdayawanyo ken sak-en nan tet-ewa ay daton ay mangpateg ken sak-en et isaganayo nan mang-isalakanak ken dakayo.”

Salmo 51:17

nodi nan daton ay mangpagasing ken sik-a, Apo Dios, et nan kinapakombaba tay adim iiyawen nan nababa ya managbabawi.

Salmo 66:18

No egayak inbabawi nan basbasolko et egay nang-idnge nan apo.

Isaias 57:15

Sak-en nan nangato ya manakabalin ay Dios ay matatago ay eng-enggana. Nan kad-ak et nangato ya nadiosan ngem makiteeak gedan isnan mang-ipababa isnan awakda ya mang-ibabawi isnan basolda tapno kasinko pabalinen daida ay matalek ya ta waday namnamada.

Juan 4:23

Ngem inomdan nan timpo ay nan ikkan nan tet-ewa ay mangdayaw ken Apo Dios et dayawenda ay ostoosto isnan nemnemda ya isnan tet-etet-ewa ay pammatida tay si Apo Dios ay Ama et siya di nan laydena ay ikkan di mangdayaw ken siya.

2 Corinto 1:12

Men-gasing kami ay mangwani en maid polos getkenmi is inikkanmi is ngawi isnan ipogaw, am-amed ken dakayo. Ostoosto nan inik-ikkanmi ya maid polos kampot is wada isnan nemnemmi tay si Apo Dios nan nagapowana. Isnan am-in ay ik-ikkanmi et baken nan silib di ipogaw is magapgapowana nodi nagapo isnan badang Apo Dios isonga makaikkan kami isnan ostoosto.

2 Corinto 3:17

Tay si Kristo nan Ispirito Santo ay mentetee isnan mamati. Et siya nan mangwaya isnan mabab-aan nan ipogaw isnan linteg ya isnan ngawi ay maikkan.

Filipos 3:3

Ngem datako nan tet-ewa ay an-ak Apo Dios tay baken kadi nan segyat di kailasinan nan tet-ewa ay anakna nodi nan mangdaydayawan tako ken Apo Dios isnan kabaelan nan Ispirito Santo ya nan mangipapangatowan tako ken Jesu Kristo. Siya nan osto ay talken tako, ay baken nan maikkan isnan awak tako ta katongpalan nan linteg ay kaneg nan kasegyatan di ipogaw.

1 Timoteo 1:17

Isonga patpatgen ya daydayawen tako si Apo Dios ay eng-enggana tay siya et kedeng nan Dios. Siya nan Ali ay eng-enggana. Adi kaila siya ngem nawada siya ay maid logina ya adi matmatmatey. Tet-etet-ewa nan kinwanik ay naay.

1 Samuel 16:7

Ngem dat kanan nan apo ken siya en, “Baken nan kaan-ando wenno kinagowapo is mangil-ilaam tay adyak siya tay sak-en ay apo et baken kaneg nan ikkan di ipogaw nan ikkak ay men-ila. Nan ipogaw et kedeng nan maiila is il-ilaenda ngem sak-en et nan nemnem di ipogaw nan il-ilaek.”