Juan 4:23 - Kalin Apo Dios

²³ Ngem inomdan nan timpo ay nan ikkan nan tet-ewa ay mangdayaw ken Apo Dios et dayawenda ay ostoosto isnan nemnemda ya isnan tet-etet-ewa ay pammatida tay si Apo Dios ay Ama et siya di nan laydena ay ikkan di mangdayaw ken siya.

Juan 4:23 Iomraidhean Croise

Salmo 147:11

nodi nan kagagasingna et nan mangpateg ken siya ya nan mangtalek isnan adi menbalbaliw ay layadna.

Salmo 17:1

apo, dengngem kad nan adawagko ta nan lebbengna nan maikkan ken sak-en. Dengngem koma nan bogawko ay menpabadang. Dengngem nan lowalok tay adiyak menkamkampot.

Salmo 32:2

Owen, nagasat nan ipogaw ay maid et basolna isnan pangiilaan Apo Dios. Siya ay maid ngawi isnan nemnemna.

Salmo 51:6

Nan kakakayatmo et nan tet-ewa ay panagnemnemnem isonga isolom kad ken sak-en nan osto ay silib.

Isaias 43:21

Tay daida nan ipogawko ay binoliwko pala ken sak-en et kantaenda nan maidaydayawak.

Isaias 58:2

Winakgat ay mangdaydayawda kano dadapay kanan en tongpalenda nan lintegko ya ikkanda nan gawis. Apedda pay dawaten en agtak daida is osto ay linteg ta magasinganda kano ay mangdaydayaw ken sak-en.

Jeremias 4:2

ya no tet-ewa ya nalinteg nan ikkanyo ay mensapata isnan ngadanko et awnit ilaen nan tap-in di ipogaw ay baken Israelita nan ik-ikkanyo dadat dawaten nan bindisyonko ya mangdaydayawda abes.”

Juan 1:17

Nan linteg Apo Dios nan inpagtek din si Moses ngem nan inpagtek Jesu Kristo et nan kinatet-ewan nan maipanggep ken Apo Dios ya nan layadna ken datako.

Juan 12:23

Dat kanan Jesus, “Nganngani nan kateyak ya nan kaipangatowak ay Iyon-an Am-in di Ipogaw.

Juan 16:2

tay awnit adida ipalobos ay maitapi kayo isnan sinagogada gapo isnan pammatiyo ken sak-en. Owen, awnit omdan nan timpo ay nan mangpatey ken dakayo et kananda en nan inikkanda et siya nan layden Apo Dios.

Juan 16:32

Ngem nganngani ay omdan nan timpo ay awnit kayo masis-iyan tay wasdin somaa et mataynanak ay maeesa. Ngem adiyak kaeesa tet-ewa tay wada si Ama ken sak-en.

Juan 4:21

Dat kanan Jesus, “Patiyem nan kanak, awnit omdan nan timpo ay baken nan bilig ay naay ya baken gedan id Jerusalem is mangdaydayawan nan ipogaw ken Apo Dios ay Ama.

Juan 5:25

Ibagak nan tet-ewa ken dakayo et kaneg nan natey nan kaipoipogaw tay maisisiyanda ken Apo Dios ngem enggana id wani et dengngenda nan kalik ay Anakna et nan mangidnge et awnit matagotagoda.

Juan 5:28

Adi kayo masdaaw isnan inbagak tay awnit omdan nan timpo ay am-in ay natey et dengngenda nan kalik

Roma 1:9

Gegetken Apo Dios ay tet-ewa nan kankanak en isnan tonggal menlowalowak et ilol-owalowak dakayo. Dawdawatek ken Apo Dios ay nang-itedak isnan awakko ay mangibagbaga isnan gawis ay damag ay maipanggep isnan Anakna tapno no kayatna et mangwaya ta omeyak pasyalen dakayo tay nabayag ay kakakakayatko.

Roma 8:15

Tay nan naited ken datako et baken nan nemnem ay iyeeeegyat di baa ay kaneg nan ipogaw ay mapopokok isnan linteg. Nodi nan Ispirito Santo nan naited ken datako et siya nan gapo ay kaanak Apo Dios ken datako. Et siya nan gapo gedan ay men-gasing tako ay mangwani en Ama si Apo Dios.

Roma 8:26

Baken kedeng nan namnamaen tako is mangbadbadang ken datako isnan kinakapsot tako nodi olay nan Ispirito Santo. Tay olay isnan menlowalowan tako et adi tako getken nan ostoosto ay ilowalo tako ngem nan Ispiriton Apo Dios et ilolol-owalowana datako ay mangiyas-asog ken datako isnan kali ay maid makaikwani.

Galacia 4:6

Isonga id wani an-ak Apo Dios dakayo et siya nan gapo ay intedna nan Ispiriton nan Anakna ken dakayo. Isonga mabalin ay kananyo en Ama no menlowalo kayo ken siya.

Efeso 6:18

Nan esa pay ay salida ay wada ken datako et nan lowalo. Masapol koma ay kanayon ay menlowalo tako isnan badang nan Ispirito Santo. Itoltoloyyo ay menlol-owalo olay ngan nan om-ommat dayopay adi kalkalingkingan ay ilowalowan nan am-in ay ipogaw Apo Dios.

Filipos 3:3

Ngem datako nan tet-ewa ay an-ak Apo Dios tay baken kadi nan segyat di kailasinan nan tet-ewa ay anakna nodi nan mangdaydayawan tako ken Apo Dios isnan kabaelan nan Ispirito Santo ya nan mangipapangatowan tako ken Jesu Kristo. Siya nan osto ay talken tako, ay baken nan maikkan isnan awak tako ta katongpalan nan linteg ay kaneg nan kasegyatan di ipogaw.

Josue 24:14

“Isonga id wani et patgenyo nan apo ya mensilbi kayo ken siya isnan am-in ay kabaelanyo. Dokoganyo nan sinangdidios ay dinaydayaw din alal-apoyo ya am-ayo id Mesopotamia ya id Egipto ta kedkedeng nan apo is silbiyanyo.

1 Pedro 2:9

Ngem bakenyo kaneg nan mang-adi ay mangpati ken Kristo tay napili kayo ay ipogawna. Masilbi kayo ay ipogaw ay os-osalen nan Ali ay si Kristo ay kaneg nan papadi ay mensilsilbi ken Apo Dios. Insiyan Apo Dios dakayo isnan adi mamati tay inalana dakayo ay ipogawna. Pinilin Apo Dios dakayo ay ipogawna ta ibagayo isnan tapin di ipogaw nan gawigawis ay ik-ikkana. Siya nan nang-ayag ken dakayo ta taynanyo nan ngawi tapno makitee kayo ken siya isnan am-in ay kagawisna. Kanegna kinaan datako isnan menbolinget et iyeyna datako isnan menpalalat-a.

1 Samuel 12:24

Patgenyo nan apo ya mensilbi kayo ken siya isnan am-in ay kabaelanyo. Nemnemenyo koma nan ganagwis ay inikkana ken dakayo.”