Juan 4:22 - Kalin Apo Dios

²² Dakayo ay iSamaria et adiyo getken no sino nan daydayawenyo ngem dakami ay Judio et getkenmi nan daydayawenmi tay nagapo isnan Judio nan awnit mangisalakan.

Juan 4:22 Iomraidhean Croise

Salmo 147:19

Ipagtekna nan kalina isnan ipogawna, ay nan isolsolona ya lintegna ken daida ay Israelita.

Salmo 68:20

Si Apo Dios ay Dios tako nan mangisalsalakan. Owen, siya ay kangatowan ay apo nan mangisalakan ken datako isnan tetey.

Isaias 2:3

Isnan omay-ayanda dadat kanan isnan iib-ada en, “Akayo ta tomikid tako isnan bilig nan apo ay Dios di Israel ta omey tako isnan Templona. Danat isolo nan kaytena ay ikkan tako ta mendaan tako isnan daan ay pinilina. Tay nan isolsolon nan apo et magapo id Jerusalem ay makwani en Sion tay isdi nan menkaliyana isnan ipogawna.”

Zacarias 9:9

Gomasing kayo ya ibogawyo nan gasingyo, dakayo ay iJerusalem. Ilaenyo, naay omal-ali nan aliyo. Nangabak siya ya nalinteg ngem inpababana kayet nan awakna ay mensasakay isnan anak di kabayo.

Lucas 24:47

isonga am-in ay mamati ken siya dadapay ibabawi nan basbasolda et pakawanen Apo Dios daida.’ Masapol ay maibagbaga nan naay gawis ay damag isnan am-in ay il-ili isnan batawa menlogi id isna Jerusalem.

Aapostolis 17:23

tay pinasyalko nan iliyo et inilak nan adoado ay mangdaydayawanyo isnan kadiodiosyo et wada abes nan esa ay inilak ay naisolatan nan kali ay mangwani en, ‘Siya na nan mangdaydayawanmi isnan dios ay adimi getken.’ Nan Dios ay dayawenyo ay adiyo getken et siya nan ipagtekko ken dakayo id wani.

Aapostolis 17:30

Id kasin inan-anosan Apo Dios nan inik-ikkan din ipogaw ay egayna dosdosaen daida tay egayda getken siya. Ngem id wani et inbilina ay masapol ay dokogan am-in nan ipogaw nan ngawi ay ik-ikkanda.

Aapostolis 3:26

Isonga inbaan Apo Dios nan Anakna ta omali isnan batawa et datako ay Judio nan damdamo ay inmaliyana tay layden Apo Dios ay bomadang ken datako ta dokogan tako nan ngawi ay ik-ikkan tako.” Siya di nan kinwanin Pedro ken daida.

Roma 11:18

Isonga adiyo ipangato nan nemnemyo ay mangwani en dakayo nan gag-awis mo nan inmona ay panga. Tay masapol ay adiyo kalkalingkingan ay baken kayo is mangipatobo isnan lamotna nodi nan lamotna nan mangipatobo.