Juan 4:10 - Kalin Apo Dios

¹⁰ Dat kanan Jesus, “No getkem koma nan idyan Apo Dios ya no sinowak ay mangmangwani en painomem et ibagam koma tapno agtak sik-a isnan danom ay mang-idya is biyag.”

Juan 4:10 Iomraidhean Croise

Salmo 10:17

apo, sik-a nan mang-inaag isnan lowalon di napaligatan dakapay papigsaen nan nemnemda tay dengngem nan adawagda.

Salmo 46:4

Wada nan ginawang ay mang-ipagawis isnan ilin Apo Dios ay ili ay napateg ay mentetean nan Kangangatowan.

Exodo 17:6

Awnitak tomakdeg isnan sagangmo isnan bato isnan bilig ay Sinai dakat isaplit nan sokodmo isnan bato et awnit kabanala nan danom ay inomen nan sanada ay ipogaw.” Dat ikkan tet-ewa Moses na ay iilaen nan aamam-an nan Israelita.

Isaias 35:6

Nan pilay et menyakingda dadapay mensala ya nan omel et menbogawda is gasingda. Awnit men-ayos nan danom isnan pondag

Isaias 42:6

“Sak-en ay apo nan nang-ayag ken sik-a daket agtan sik-a is panakabalinmo tapno makailam ta nalinteg nan maik-ikkan isnan batawa. Sik-a nan kanegko awak ay makitolag isnan am-in ay ipogaw. Et gapo ken sik-a et malawagan nan nemnem di kaipoipogaw isnan batawa.

Isaias 43:20

Olay nan atap ay animal ay kaneg nan atap ay aso ya nan koop et awnitda mangdaydayaw tay ipaayosko nan ginawang isnan pondag ay mang-ited is mainom isnan pinilik ay ipogaw.

Isaias 44:3

Awnitak agtan is danom nan ili ay maewew ya pabal-ek nan ginawang isnan nanakgang ay lota. Kaneg todi nan ikkak ay mang-ibokbok isnan panakabalinko isnan an-akmo ya ikkak ay mangbindisyon isnan ap-om.

Isaias 49:10

Et awnit adida polos kasin kaow-owat ya adida kasin kaew-ewew ya adida pay mapaligatan isnan kaeegyat ay agew tay sak-en ay mangsegseg-ang ken daida nan mang-ipangpango ken daida et iyeyko daida isnan balaan di danom.

Isaias 9:6

Tay wada nan lalaki ay maiyanak pala ken datako et awnit siya nan mentolay ken datako. Awnit siya nan makwani en, “Masilib ay mamagbaga,” “Manakabalin ay Dios,” “Ama ay eng-enggana,” “Alin di menlamlamnin.”

Zacarias 13:1

No omdan nan deey ay timpo et awnit mawada nan balaan ay pala isnan ap-on din si David ya nan iJerusalem ta maowasanda isnan basbasolda ya ta makaan nan ngawi isnan nemnemda.

Lucas 11:13

Adi, tay olay no ngawi kayo ay ama et getkenyo ay mang-ited isnan an-akyo is gawis. Ngem am-amed adi nan ikkan Ama tako id daya tay nan itedna isnan mendawat et nan Ispirito Santo.”

Juan 16:3

Siya na nan ikkanda ken dakayo tay adida getken si Ama ya sak-en.

Juan 17:3

Nan gapo ay matagotago nan ipogaw ay eng-enggana et nan pangtekanda ay sik-a et kedkedeng nan tet-ewa ay Dios ya nan pangtekanda ken sak-en ay Kristo ay inbaam.

Juan 3:16

Gapo tay dadama nan layad Apo Dios isnan ipogaw isnan batawa et inpaiyalina nan kedkedeng ay Anakna tasiyay am-in ay mamati ken siya et adida kadosdosa nodi matagotagoda ken Apo Dios.

Juan 4:14

ngem nan mang-inom isnan idyak ay danom et adi kaew-ewew. Tay nan danom ay idyak et menbalin ay kaneg balaan ay adi katkatdok isnan awakna ay mang-idya ken siya is biyag ay eng-enggana.”

Juan 6:35

Dat kanan Jesus, “Sak-en nan makan ay mang-idya is biyag tay nan omali ay maitapi ya mamati ken sak-en et adi kaoowat ya adi kaew-ewew.

Juan 6:51

Sak-en nan makan ay nagapo id daya ay mang-idya is biyag. Et nan mangkakan isnan naay ay makan et maagtan is biyag ay eng-enggana. Nan awakko et siya nan makan ay idyak isnan ipogaw isnan batawa tasiyay matagotagoda.”

Aapostolis 9:11

Dat kanan Apo Jesus, “Ipikam ta omeyka isnan kalsa ay Leteg isnan baey Judas ta ilam si Saulo ay iTarso ay menlol-owalo.

Roma 8:32

Olay nan es-esang ay Anakna et inpalobosna siya ay matey ay pala ken datako am-in. No siya di nan inikkana ay adina ited ken datako nan am-in ay masapol tako?

1 Corinto 1:30

Tay nan am-in ay wada ken datako et nagapo ken siya. Owen, siya nan nangitapi ken datako ken Jesu Kristo. Et siya di nan gapo ay wada nan silib tako ya nan gapo ay awnit maid mangdelawan Apo Dios ken datako. Si Kristo gedan nan nangsobot ken datako ya nan gapo ay mabalin ay nadiosan tako ay ipogaw.

1 Corinto 10:4

Olay nan tapin di danom ay inin-inomda et inpabalana isnan bato. Naiyalig san bato ken Kristo ay mang-it-ited isnan masapol nan ipogawna. Tay si Kristo nan nangtaktakdo ken daida ay nang-it-ited isnan masapolda.

2 Corinto 9:15

Daydayawen tako si Apo Dios gapo ken Kristo ay Anakna ay insagotna ken datako ay maid polos makaatiw isnan kagawisna.

Efeso 2:8

Tay nan seg-ang Apo Dios et kedeng nan gapo ay dawatena datako no mamati tako. Et maiwed polos inik-ikkan tako is gapo ay insalakana datako nodi siya nan kanemnem et kedeng.

Hebreo 6:4

Tay maid paayna no makaskaskasin nan nalakalaka ay mait-itdo tay no tet-ewa ay maawatan nan ipogaw nan gawis ay damag ya liniknada nan gawigawis ay inted Apo Dios ya naitedda isnan Ispirito Santo dadat adyan ay mangitoltoloy ay mamati et adi kabalin ay maipababawida ta kasinda mamati.

1 Juan 5:20

Getken tako gedan ay ninbalin is ipogaw nan Anak Apo Dios et intedna ken datako nan osto ay nemnem tapno getken tako nan tet-ewa ay Dios. Maitatapi tako ken siya ya ken Jesu Kristo ay Anakna. Et si Apo Dios nan tet-ewa ay Dios ay kagapowan nan biyag ay maid patenggana.

Naipagtek 21:6

Danat kanan abes, “Nakwas et tay kinwasko am-in. Sak-en nan nangwada isnan am-in ay wada ya sak-en gedan nan mangkombos isnan am-in. Nan maewew et agtak siya is kalebbengana ay ominom isnan danom ay adi kalakowan ay magapo isnan balaan ay mang-ited is biyag ay maid patenggana.

Naipagtek 22:17

“Omali kayo am-in ta maitapi kayo,” kanan nan Ispiriton Apo Dios ya nan ipogawna ay kaiyaligan di awnit asawaen nan Kalnilo. “Owen, omali kayo,” kanan nan mangdenge isnan naayda. Am-in kayo ay mangkayat et ay-ayaganda dakayo ta am-in kayo ay maew-ewew et omali kayo koma ta dawatenyo ay ominom isnan danom ay maid bayadna ay mang-ited is biyag.

Naipagtek 7:17

tay nan Kalnilo ay wada isnan kad-an di tokdowan di ali et siya nan mangbanbantay ken daida ya siya nan mangipangpango ken daida isnan balaan di danom ay mang-ited is biyag ay maid patenggana. Et kaanen Apo Dios nan am-in ay seg-angda ta adida kasin men-ag-aga.” Siya dadi nan kinwanina.