Juan 3:10 - Kalin Apo Dios

¹⁰ Dat kanan Jesus, “Esaka ay nangato ay mangisolsolo ken datako ay Judio dakapay adi getken na?

Juan 3:10 Iomraidhean Croise

Salmo 51:10

Apo Dios, boliwem kad nan nadalos ay nemnem ken sak-en ta menbalinak ay managtongpal.

Salmo 51:6

Nan kakakayatmo et nan tet-ewa ay panagnemnemnem isonga isolom kad ken sak-en nan osto ay silib.

Salmo 73:1

Tet-ewa ay gawigawis si Apo Dios isnan ipogawna ay Israelita. Owen, gawis siya isnan maid polos kangawin di nemnemda.

Jeremias 31:33

Ngem siya na nan balo ay awnitko makitolagan isnan Israelita. Kanak en awnitak ipagtek nan lintegko ken daida. Owen, ipanemnemko ken daida ta adida polos kalkalingkingan ta sak-en nan Diosda et daida nan ipogawko.

Ezekiel 11:19

Awnitak ipabalo nan poso ya nemnemda tay kaanek nan kedseda tapno managtongpalda

Mateo 11:25

Dat menlowalo si Jesus et kanana en, “Ama, sik-a nan Apo id daya ya isnan batawa. Men-iyamanak ken sik-a tay inpagtekmo isnan egay nakaadal nan tet-ewa ay maipanggep ken sak-en ngem egaymo inpagtek isnan mangwani en nalaing ya masilib tapno adida maawatan.

Mateo 15:14

Isonga bay-anyo san deeyday Fariseo tay kanegda nan nakowap ay mangipangpango isnan ib-ada ay kowap isnan daan et no siya di et maekdagda ay dowa isnan ketang.”

Mateo 22:29

Dat songbatan Jesus et kanana, “Baken osto nan nemnemyo tay adiyo od getken nan naisolat isnan kalin Apo Dios ya adiyo gedan getken nan kabaelana.

Lucas 2:46

Isnan maikatlo ay agew, dinas-anda siya isnan Templo ay makitotokdo isnan men-is-isolo isnan linteg. Dedengngena nan kankananda dapay mensos-oot ken daida.

Lucas 5:17

Issan esay agew ay men-is-isolowan Jesus isnan esay baey et wadada nan nangitotokdo ay Fariseo ya nan men-is-isolo isnan linteg ay nagapo isnan probinsiya ay Galilea ya Judea ya isnan ili ay Jerusalem. Nan panakabalin Apo Dios ay mangipagawis isnan sakit et wada ken Jesus.

Juan 3:9

“Intoy ikakkana?” sinoot Nikodemo.

Aapostolis 5:34

Ngem wada nan esay Fariseo ken daida ay kangadan is Gamaliel. Siya nan esay men-is-isolo isnan linteg Apo Dios et siya nan ikabain nan ib-ana. Tinmakdeg ay mangibaga ta ikaanda san aapostolis is sin-awyan.

Roma 2:28

Tay nan tet-ewa ay Judio ay ipogaw Apo Dios et daida nan ipogaw ay ostoosto nan nemnemda. Baken nan menpasegyatan nan ipogaw is mangipaila ay tet-ewa ay ipogaw Apo Dios siya tay nan oson nan awakna et kedeng nan madalosan ay baken nan nemnemna. Tay nan masokatan nan nemnem di ipogaw tapno managtongpalda et nan Ispirito Santo nan kaobla ay baken nan linteg. Et daida nan tet-ewa ay ipogaw Apo Dios. Et olay maid dayawda isnan ipogaw ngem daydayawen Apo Dios daida.

Deuteronomio 30:6

Awnit menbalinen nan apo ay Diosyo dakayo ya nan ap-oyo ay managtongpal tapno laylaydenyo siya isnan am-in ay nemnemyo ta matagotago kayo isnan sana ay ili.

Filipos 3:3

Ngem datako nan tet-ewa ay an-ak Apo Dios tay baken kadi nan segyat di kailasinan nan tet-ewa ay anakna nodi nan mangdaydayawan tako ken Apo Dios isnan kabaelan nan Ispirito Santo ya nan mangipapangatowan tako ken Jesu Kristo. Siya nan osto ay talken tako, ay baken nan maikkan isnan awak tako ta katongpalan nan linteg ay kaneg nan kasegyatan di ipogaw.

Colosas 2:11

Id kasin et wada nan inbagan Apo Dios ay menpasegyat nan Judio tay siya nan mangipaila ay ipogawna daida ngem id wani et wada nan teken ay makaan abes ken datako ay mangipaila ay ipogawna datako. Nan makaan id wani gapo isnan maitapiyan tako ken Kristo et baken nan segyat nodi nan makaanan nan ngawi ay nemnem tako.