Juan 20:9 - Kalin Apo Dios

⁹ Ngem egayda kayet naawatan din naisolat ay kalin Apo Dios id kasin ay mangwani en awnit matago kasin.

Juan 20:9 Iomraidhean Croise

Salmo 16:10

tay getkek ay adika mangkalkalingking isnan kad-an di natey ya adim ipalobos ay madonot nan awak di napateg ay pinilim.

Salmo 22:15

Naango pay nan ayokookko ay kaneg nan naangoango ay lota ya naipket et nan dilak isnan tangenko. Tinaynam sak-en isnan lota ay matmatey.

Isaias 25:8

Awnit pamaiden nan kangatowan ay apo nan tetey ta adiyet matmatey nan ipogaw et awnitna kaanen nan am-in ay gapo ay men-ag-agaanda. Awnitna kaanen nan kaibabainan di ipogawna. Nan apo ay mismo nan nangwani isna.

Isaias 26:19

Nan natnatey ay mamati ken Apo Dios et matagoda kasin. Kasin matago nan aw-awakda ta am-inda ay maseseyep isnan pantiongda et awnitda magido dadat ibogaw nan gasingda. Tay kaneg nan ikkan di odan ay mangsibog isnan esek ta matago nan kaneg nan ikkan nan apo ay mangtago isnan natnatey.”

Mateo 22:29

Dat songbatan Jesus et kanana, “Baken osto nan nemnemyo tay adiyo od getken nan naisolat isnan kalin Apo Dios ya adiyo gedan getken nan kabaelana.

Lucas 24:26

Ay baken aya masapol ay menligat si Kristo esapay omey id daya?”

Lucas 9:45

Ngem adi getken nan papasolotna nan kayatna ay kanan tay egayna inpagtek ken daida. Ngem mabainda ay mangsoot ken siya.

Juan 2:22

Isonga idi natey si Jesus dat kasin matago et ninemnem san papasolotna ay tinmet-ewa nan kinwanina dadat patiyen nan naisolat id kasin ay kalin Apo Dios ya din inbagan Jesus isnan awnitna katagowan.

Aapostolis 17:3

Nan insolsolona et nan naisolat ay kankanan Apo Dios ay masapol ay matey si Kristo dat kasin matago. Danat kanan, “Si Jesus ay ibagbagak ken dakayo et siya nan inbaan Apo Dios ay makwani en Kristo.”

Aapostolis 2:24

Ngem si Apo Dios et egayna ipalobos ay maitoloy ay matey si Jesus tay tinagona kasin. Tay nan tetey et maid kabaelana ay mangikawe ken siya.

1 Corinto 15:4

Inbagak abes nan naikaobana ya nan nangtagowan Apo Dios ken siya isnan maikatlo ay agew ay inbagan abes nan epdasna inpasolat.