Juan 20:16 - Kalin Apo Dios

¹⁶ “Maria,” kinwanin Jesus. Dat sagongen Maria siya danat kanan, “Rabboni.” (Nan kanan tona isnan kalin di Judio et mistolo.)

Juan 20:16 Iomraidhean Croise

Genesis 22:1

Idi menbagot et si Isaac dat padasen Apo Dios si Abraham ta ilaena no tet-ewa ay patiyena siya. Kinwanina, “Abraham!” “Ayta Apo, naayak ya,” kinwanina.

Genesis 22:11

ngem dat menbogaw nan anghel nan apo id ngato ay mangwani, “Abraham! Abraham!” “Ayta apo” kinwanin Abraham.

Exodo 3:4

Idi mailan Apo Dios ay somagsag-en si Moses dat menkali isnan tengan san kaiw et kanana en, “Moses, Moses.” Dat somongbat si Moses ay mangwani en, “Ayta Apo, naayak ya.”

Exodo 33:17

Dat kanan nan apo ken Moses en, “Ikkak nan inbagam tay getkegetkek sik-a dakpay kagagasing sik-a.”

Isaias 43:1

Sik-a ay ili ay Israel, kanan nan apo ay nangboliw ken sik-a en, “Adika omegyat tay isalakak sik-a. Dakayo ay iyIsrael, inayagak dakayo et menbalin kayo ay ipogawko.

Mateo 14:27

Ngem dat komali si Jesus ay mangwani en, “Laton, laton sa. Sak-en na. Adi kayo omegyat.”

Marcos 10:51

Dat kanan Jesus ken siya, “Ay ngan nan kayatmo ay ikkak ken sik-a?” Danat kanan, “Apo, kaytek ay makaila koma.”

Lucas 10:41

Dat kanan Jesus, “Marta, Marta, dakan aped madanagan is mensonsoniyam et kedeng ay adika od mendenge ken sak-en.

Juan 1:38

Dat mensagong si Jesus et ilaena daida ay omon-onod danat sooten, “Ay waday ibagayo?” Dadat kanan, “Rabbi, ay into nan menteteam?” (Nan kanan nan Judio isnan rabbi et mistolo.)

Juan 1:49

Dat kanan Natanael, “Apo, sik-a od nan Anak Apo Dios. Sik-a nan ali ay sedsed-enmi isna id Israel.”

Juan 10:3

tay wada nan mangbanbantay isnan segpan ay mangtokab isnan eneb no songgep nan mang-ay-ayowan isnan kakalnilo. No ayagana nan ngadngadan nan kalnilona et gegetkenda nan kalina danat ipabala daida.

Juan 11:28

Kinwanin Marta di dat somaa et wag-eyena si Maria ta iyagasaasna ay mangwani, “Inmali nan Apo tako et paay-ayagana sik-a.”

Juan 13:13

Kankananyo ken sak-en en Mistolo ya Apo et osto nan kananyo tay tet-ewa.

Juan 20:28

Dat kanan Tomas, “Sik-a nan Apok ya nan Diosko.”

Juan 3:2

Isnan esay labi inmey ken Jesus et kanana, “Apo, getkenmi ay si Apo Dios nan nangibaa ken sik-a ay mangisolo ken dakami tay maiwed makaikkan isnan kaskasdaaw ay ik-ikkam malaksig no wada si Apo Dios ken siya.”

Juan 5:2

Wada nan pag-emsan isdi ay nginadnan di Judio is Betsaida isnan sag-en di segpan nan kakalnilo. Isnan bengetna et wada nan limay bawi

Juan 6:25

Issan nangdatnganan san kaipoipogaw ken Jesus issan demang di baybay dadat kanan ken siya, “Apo, ay tongona nan inmaliyam isna?”

Aapostolis 10:3

Isnan esay agew isnan alas tres isnan kag-aw et inbaan Apo Dios nan esay anghelna ken Cornelio ay mangwani, “Cornelio.”

Aapostolis 9:4

Dat matokang et dengngena nan kali ay mangmangwani, “Saulo, Saulo, dakan palpaligaten sak-en?”

1 Samuel 3:10

Dat somag-en nan apo ken Samuel danapay kasin ayagan ay mangwani en, “Samuel.” Dat kanan Samuel, “Komalika apo tay mendedengeak ay baam.”

1 Samuel 3:6

Dat kasin ayagan nan apo si Samuel. Ngem si Samuel et adina getken ay nan apo nan mangay-ayag ken siya tay egay polos nakikalkali nan apo ken siya. Isonga kasin binmangon et omey ken Eli danat kanan, “Naayak apo tay nang-ayagka.” Ngem dat kanan Eli, “Dapay egayak inag-aggan sik-a. Somagongka bawet ta enka ipodan.”