Juan 20:12 - Kalin Apo Dios

¹² danat ilaen nan doway anghel ay ninbabado is polaw. Tinmotokdoda issan naipay-an san awak Jesus. Nan esa et wada isnan totongowen di toktok ya nan esa isnan sikiyan.

Juan 20:12 Iomraidhean Croise

Daniel 7:9

“Isnan menboyboyaak daet maiyolnos nan katokdotokdowan di ali dat tomokdo nan natatago ay enggana ay nan manakabalin ay Dios isnan tokdowana ta men-okom. Nan badona et mapolapolaw ay kaneg nan kapolawan ay kapes ya mapolapolaw gedan nan bookna. Kaneg menbidbidang nan napipilidan ay tokdowana dapay menbegbegang nan pilidna.

Mateo 17:2

Dat tomeken nan mangiilaanda ken Jesus id isdi tay mensilsilang nan angasna ay kaneg nan agew ya pinmolapolaw nan badona ay kaneg silang di silaw.

Aapostolis 1:10

Daanda pay ay mangiila id daya dat wada nan doway lalalaki ay anghel ay ninbabado is polaw ay natanakdeg isnan kad-an nan aapostolis.

Naipagtek 3:4

Ngem wada nan tap-ina ken dakayo id issa Sardis ay egay kakilot nan badoda. (Nan kayatna ay kanan et adida bomasbasol.) Awnit dakayo nan maitapi ken sak-en ay menbabado is polaw tay gawis nan ik-ikkanyo.

Naipagtek 7:14

Daket kanan, “Adiyak getken, apo. Waay sik-a nan mangtek.” Danat kanan, “Da tona nan ipogaw ay mamati ay nangilasat isnan dadama ay ligat isnan batawa. Kanegda linabaan nan badoda isnan basan nan makwani en Kalnilo ta pomolaw ay maiyalig isnan naowasan nan basbasolda.