Juan 2:4 - Kalin Apo Dios

⁴ Dat kanan Jesus, “Ina, adi masapol ay ibagam nan ikkak. Egay pay omdan nan mang-ikkanak isnan inbilin Apo Dios.”

Juan 2:4 Iomraidhean Croise

1 Aali 17:18

Dat kanan san babai ken Elias en, “Ipogaw Apo Dios sik-a isonga ommat na ken sak-en. Waay obpay inmalika ay mangipanemnem isnan basbasolko isnan mateyan nan anakko.”

Eclesiastes 3:1

Wada nan osto ay timpon di am-in ay om-ommat isnan naay ay batawa.

Mateo 15:28

Dat kanan Jesus, “Ina, napigsa nan talekmo ken sak-en isonga ikkak nan laydem.” Dat tet-ewa maganawis san anakna.

Mateo 8:29

Dadat ibobogaw ay mangwani ken Jesus en, “Sik-a nan Anak Apo Dios, ay ngan di ngotom ken dakami isna? Ay inmalika ta dosaem dakami id wani dapay egay omdan nan osto ay timpo?” Siya nan inpakalin nan anito ken daida.

Lucas 2:49

Ngem dat kanan Jesus, “Dakayon mang-an-anap? Ay adiyo getken ay masapol ay wadaak isnan baey Ama?”

Juan 12:23

Dat kanan Jesus, “Nganngani nan kateyak ya nan kaipangatowak ay Iyon-an Am-in di Ipogaw.

Juan 13:1

Nganngani nan Fiestan di Linmaosan di Anghel et getken Jesus ay siya nan komaanana isnan batawa ay somagongana ken Amana. Et siya na nan timpo ay mangipailaana ay maid kolang di layadna isnan ipogawna isnan batawa tay enggana isdin damo et linaylayadna daida.

Juan 2:3

Naamin pay nan tapey dat kanan inan Jesus ken siya, “Naamin et nan tapeyda.”

Juan 20:13

Dadat kanan, “Dakan aped men-ag-aga?” Danat kanan, “Inalada nan Ap-apo et adiyak getken nan nangyanda ken siya.”

Juan 20:15

Dat kanan Jesus, “Dakan aped men-ag-aga? Ay sino nan an-anapem?” Ngem kanan Maria Magdalena en waay siya san mangbanbantay issan kad-an di kak-aiw isonga danat kanan, “Apo, no sik-a nan nang-ala ken siya, ibagam kad no intoy nangyam ta omeyak alaen.”

Juan 7:30

Idi kinwanina di dat depapen koma nan aap-apon di Judio siya ngem egay inpalobos Apo Dios isonga egayda nakadpap ken siya.

Juan 7:6

Dat kanan Jesus ken daida, “Egay pay inomdan nan menpailaak id Jerusalem. Ngem dakayo, omey kayo tay ikkanyo nan laydenyo is olay ngan tosa ay agew.

Juan 7:8

Enkayo bawet makifiesta. Adiyak makkey tay egay inomdan nan menpailaak.”

Juan 8:20

Inbagan Jesus am-in dana issan men-isolsolowana isnan mentetean nan maipaypay-an di siping isnan Templo. Ngem maid nangdepap ken siya tay egay pay inpalobos Apo Dios.

2 Corinto 5:16

Isonga isnan nemnemko baken nan maiila ay napateg isnan ipogaw ay adi mamati is gapo ay kanak en gawigawis nan ipogaw. Nodi nan ostoosto ay wada isnan nemnem di ipogaw nan gapo ay gawisda wenno baken. Ngem nan nemnemko id kasin ken Kristo et kaneg nan nemnem nan adi mamati. Ngem nasokat et id wani.

Deuteronomio 33:9

Inpailada ken sik-a ay dadama nan pammatida ay egayda inkaskaso nan olay din am-ada, in-ada, bebsatda wenno nan an-akda. Tinongtongpalda nan bilbilinmo ya matalekda isnan tolagmo.