Juan 2:24 - Kalin Apo Dios

²⁴ Ngem getkena ay kolang kayet nan pammatida ken siya tay gegetkena nan kaipogawda

Juan 2:24 Iomraidhean Croise

Jeremias 17:9

Maid polos makaawat isnan nemnem di ipogaw tay nalaka ay maal-allilaw ya pilmi nan kangawina.

Mateo 9:4

Gintek Jesus nan wada isnan nemnemda danat kanan en, “Dayon nenemnemen nan ngawi?

Marcos 2:8

Ngem getken Jesus nan nenemnemenda danat kanan, “Ngan nan apedyo nemnemnemen?

Juan 1:42

Dat bowegen Andres si Simon et omeyda ken Jesus. Dat inengneng Jesus siya danat kanan, “Sik-a si Simon ay anak Juan ngem menngadanmo et nan Cefas.” (Nan ngadan ay naay isnan kalin di Judio et paliso nan kanana isnan ngadan ay Pedro ay makwani en bato.)

Juan 16:30

Id wani getkenmi ay getkem am-in isonga adi masapol ay mensoot kami ken sik-a tay getkem nan wada isnan nemnemmi. Siya na nan mangpatiyanmi ay nagapoka ken Apo Dios.”

Juan 21:17

Dat pitlowan Jesus ay mangwani, “Simon, ay anak Juan, ay manglaylayadka tet-ewa?” Dat menseseg-ang si Pedro tay namitlo ay sinoot Jesus no laylaydena siya danat kanan, “Apo, getkem nan am-in et getkem ay laylaydek sik-a.” Dat kanan Jesus ken siya, “Banbantayam ngalod nan kakalnilok.

Juan 4:16

Dat kanan Jesus, “Enka ayagan si asawam dakayot omali isna.”

Juan 5:42

tay getkek nan gapo ay mang-adyanyo ken sak-en. Owen, tay maiwed layadyo ken Apo Dios.

Juan 6:15

Gintek Jesus ay ipapatida ay mang-ala ken siya ta menbalinenda ay alida isonga dat makekedeng ay omey isnan bilig.

Juan 6:64

Ngem wada kayet ken dakayo nan adi mamati.” Tay sigod ay getken Jesus nan adi mamati ya nan awnit mangisipsip ken siya.

Aapostolis 1:24

Dadat menlowalo ay mangwani en, “Apo, gapo tay sik-a nan mangtek isnan nemnem am-in nan ipogaw et ipagtekmo ken dakami nan piliyem ken datona ay dowa

Aapostolis 15:8

Si Apo Dios ay mangtek isnan am-in ay nemnem di ipogaw et inpailana ay dawdawatena nan baken Judio no mamatida ken siya tay inpakapetna nan Ispirito Santo ken daida ay kaneg met laeng nan inikkana ken datako.

Hebreo 4:13

Owen, isnan am-in ay binoliw Apo Dios et maid mabalin is maigago ken siya tay getkena nan am-iam-in ay maipanggep ken daida. Isonga makail-ilan tako tay siya nan masapol ay awnit tako mangibagbagaan isnan am-in ay ik-ikkan tako isnan natatagowan tako isnan batawa no banagena datako.

Naipagtek 2:23

Awnitak pateyen san deeyda ay nangsolsolot ken siya. Et siya dadi nan mangipaila isnan mamati ken sak-en isnan am-in ay ili ay gegetkek nan am-in ay wada isnan nemnem di ipogaw ya nan laylaydenda. Owen, nan awnitak isobalit isnan tonggal esa ken dakayo et nan kaneg nan inik-ikkanda.

1 Samuel 16:7

Ngem dat kanan nan apo ken siya en, “Baken nan kaan-ando wenno kinagowapo is mangil-ilaam tay adyak siya tay sak-en ay apo et baken kaneg nan ikkan di ipogaw nan ikkak ay men-ila. Nan ipogaw et kedeng nan maiila is il-ilaenda ngem sak-en et nan nemnem di ipogaw nan il-ilaek.”