Juan 18:12 - Kalin Apo Dios

¹² San sosoldado, san apoda ya san gogowaldiya et dinpapda si Jesus dadat ogden nan ledengna

Juan 18:12 Iomraidhean Croise

Genesis 22:9

Idi inomdanda issan bilig ay inbagan Apo Dios en omayanda dat mensapo si Abraham is mangpoowana isnan paltiyena. Danat ogden si Isaac et iyosona isnan kaiw.

Genesis 40:3

danat ipabalod daida isnan baey di kapitan di gowaldiya ay naibabalodan gedan Jose.

Salmo 118:27

Nan apo nan Dios ay mangbindisyon ken datako. Iyeyyo et ngalod nan igasingyo isnan altar.

Mateo 26:57

Dadat eyey si Jesus isnan baey Caifas ay kangatowan ay padi ay nadadagopan nan men-is-isolo isnan linteg ya aamam-an di Judio.

Mateo 27:2

Dadat galoten nan ledengna esadapay eyey ken Pilato ay gobilnadol.

Mateo 27:27

Dat isgep nan sosoldadon Pilato si Jesus isnan baey di gobilnadol et madagopda am-in ay sosoldado isdi.

Marcos 14:53

Inyeyda si Jesus isnan baey di kangatowan ay padi ay nadadagopan am-in nan menkangangato ay papadi, nan aamam-an di Judio ya nan men-is-isolo isnan linteg.

Marcos 15:1

Wiit dat kasin madagop nan menkangangato ay papadi ya nan aamam-a ya nan men-is-isolo isnan linteg ya nan tapin di menlelebbeng nan Judio ta mentotolagda is esada ikkan. Dadat galotan nan ledeng Jesus esadapay eyey ken Pilato ay gobilnadol.

Lucas 22:54

Dinpapda si Jesus dadat eyey isnan baey san kangatowan ay padi et omon-onod si Pedro ngem omaaddawi.

Juan 18:3

Isonga inmey si Judas isdi ay mangboboweg isnan sosoldado ya nan tap-in di gowaldiyan di Templo ay inbaan nan menkangangato ay papadi ya nan Fariseo. Ninseselewda ya nin-aalmasda ay inmey.

Aapostolis 10:1

Id Cesarea et wada nan esay am-ama ay baken Judio ay kangadan is Cornelio. Siya nan kapitan di sin-gasot ay sosoldado ay nagapo id Italia.

Aapostolis 21:31

Laydenda ay mangpatey ken siya koma ngem dinngen nan apon di soldado ay iRoma ay mentoltolay id Jerusalem ay men-golgolo am-in nan omili.

Aapostolis 21:37

Si Pablo pay isnan songsonggepanda isnan mentetean di sosoldado et kinwanina issan apo, “No mabalin koma wada nan ibagak ken sik-a.” Dat nasdaaw san apo tay gintek Pablo nan kalina ay Griego tay siya nan inkalina.

Aapostolis 23:10

Dadat am-amed men-asisongbat isonga inmegyat nan apon di sosoldado moditya men-ginoyodanda si Pablo et maanok-a nan awakna isonga inbilina isnan sosoldado ta enda eyey isnan menteteanda.