Juan 15:11 - Kalin Apo Dios

¹¹ Inbagak na ken dakayo tasiyay makigasgasing kayo ken sak-en ay eng-enggana.

Juan 15:11 Iomraidhean Croise

Isaias 53:11

No makwas et nan napalpaligatana daet menlagsak kasin. Awnitna getken et ay masilbi nan ninligligatana. Nan matalek ay baak ay kagagasingko et awnitna awiten nan dosan di adoado et gapo ken siya et pakawanek daida.

Isaias 62:4

Adika et makmakwani en, “Nabaybay-an ay Daga” wenno “Daga ay Kinalingkingan Apo Dios” nodi nan balo et ay ayagmo et “Daga ay Kagagasing Apo Dios” ya “Nalagsak ay Nakiasawa” tay kagagasing nan apo sik-a et kowana et sik-a.

Jeremias 32:41

Men-gasgasingak isnan mang-ik-ikkanak is gawis ken daida ya isnan am-in ay kabaelak et eestek daida ta menteeda ay eng-enggana isnan naay daga.”

Sofonias 3:17

tay nan apo ay Diosyo et wada ken dakayo. Nan kabaelana nan gapo ay mangabak kayo. Awnit igasing nan apo dakayo et gapo isnan layadna ken dakayo et awnit agtana dakayo is balo ay biyag. Awnit menday-eng ya men-gasgasing gapo ken dakayo

Lucas 15:23

Omey kayo gedan alaen nan menlames ay koyaw di baka ta paltiyenyo ta isda tako datakopay men-gasgasing

Lucas 15:32

Ngem gawgawis no men-gasgasing tako tay dinmateng nan naamas ay innodim ay kanak en natey dat obpay daan ay matmatago.’”

Lucas 15:5

No datngana san naamas ay daan ay natatago et men-galalasing. Danat boligan

Lucas 15:9

Et no datngana danat ayagan nan gagayyemna ya nan sagogongna et kanana en, ‘Makigasgasing kayo ken sak-en tay naay dinatngak san palatak ay naamas.’

Juan 16:24

Enggana id wani et maiwed dinawatyo ken Ama ay maipoon isnan pammatiyo ken sak-en. Mendawat kayo et awnit maagtan kayo tasiyay maid kolang di gasingyo.”

Juan 16:33

Inbagak na ken dakayo tasiyay menlamlamnin kayo isnan maitatapiyanyo ken sak-en tay awnit paligaten nan adi mamati dakayo. Ngem olay, papigsaenyo kayet nan nemnemyo tay inabakko si Satanas ay ap-apon nan adi mamati ya nan am-in ay anito.”

Juan 17:13

Nganngani ay somagongak ken sik-a isonga ibagak dana ta dengen nan papasolotko esakpay taynan daida tasiyay makigasgasingda ken sak-en.

Juan 3:29

Nan kaidiligana et kaneg nan mangisagana is omasawaan nan gayyemna. No omey nan lalaki isnan babai ay asawaena et dadama nan gasing nan gayyemna tay men-asawada tet-ewa. Et siya nan kanegko abes ay nangisagana isnan omaliyan Jesus isonga dadama nan gasingko tay inmali et siya.

Roma 15:13

Isonga kanak en sapay koma ta si Apo Dios ay nang-ited isnan namnamaenyo et itedna abes koma nan natalna ay nemnem ya dadama ay gasing gapo isnan pammatiyo ken siya. Tay no siya di nan ommat et pomigpigpigsa nan mangpatiyanyo isnan namnamaenyo gapo isnan kabaelan nan Ispirito Santo ay mangbadbadang ken dakayo.

2 Corinto 1:24

Ngem baken na is kayatko ay kanan ay pilpilitenmi dakayo maipanggep isnan pammati tako ken Kristo tay osto nan pammatiyo. Ngem laydenmi ay mangbadang ken dakayo isnan mangsolsolotanyo ken siya tapno matapiyan nan gasingyo.

Efeso 5:18

Adi kayo menbotboteng tay nan maboteng et adina getken nan kankanana ya nan ik-ikkana. Nodi nan Ispirito Santo koma nan mangipanemnem ken dakayo isnan gawis.

Filipos 1:25

Isonga gegetkek ay adiyak matey id wani tay masapol ay wadaak ken dakayo tapno pomigpigsa kayet nan pammatiyo dakayopay am-amed gomasing.

1 Tesalonica 5:16

Olay no waday ligat et adi koma makak-aan nan gasingyo.

1 Pedro 1:8

Egayyo ilaen siya ngem laylaydenyo siya kayet. Olay id wani et adi kaila ngem mamati kayo ken siya. Isonga men-galalasing kayo ay pilmi ay maid kakwaniyana

1 Juan 1:4

Mensolatak ken dakayo abes ta maanay ay gawis nan gasing tako ta maid kolangna.

2 Juan 1:12

Adoado pay nan kayatko ay kanan ken dakayo isnan solat ay naay ngem mas gag-awis samet no matotya tako. Kayatko ay pasyalen dakayo ta matotya tako ay gawis ta maanay nan gasing tako tay men-inila tako dadlo.