Juan 14:28 - Kalin Apo Dios

²⁸ Dinngeyo san inbagak ay awnitak taynan dakayo ngem awnitak kasin somagong. No linaylayadyo sak-en et men-gasing kayo tay omeyak ken Ama ay nangatngato mo sak-en.

Juan 14:28 Iomraidhean Croise

Salmo 68:18

Omey id ngato ay ibobowegna nan ado ay balod dadat men-idaton ken siya ay olay nan nang-ap-apos ken siya ta makatee nan apo ay Dios ken daida.

Salmo 68:9

Pinaodanmo is ado et yomam-es kasin nan namegaan ay lota ay inpatawidmo

Isaias 42:1

Kanan nan apo, “Ilaenyo nan naay baak ay ipapigsak. Siya nan pinilik et siya nan mang-ipagasgasing ken sak-en. Itedko nan Ispiritok ta iyalina nan kinalinteg isnan kailiili isnan batawa.

Isaias 53:11

No makwas et nan napalpaligatana daet menlagsak kasin. Awnitna getken et ay masilbi nan ninligligatana. Nan matalek ay baak ay kagagasingko et awnitna awiten nan dosan di adoado et gapo ken siya et pakawanek daida.

Mateo 12:18

“Ilaenyo nan naay ay pinilik ay inbaak. Siya nan laylaydek ya siya nan mangipagasgasing ken sak-en. Itedko ken siya nan Ispiritok ta siya nan mangipadamag isnan tet-ewa ay maipanggep ken sak-en isnan baken Judio abes.

Juan 10:38

Ngem no nan ipaikkan Ama nan ik-ikkak et olay no adiyo patiyen nan kankanak et patiyenyo koma nan gawis ay inik-ikkak tasiyay getkenyo ay tet-ewa ay wada si Ama ken sak-en ya wadaak abes ken siya.”

Juan 14:12

Ibagak nan tet-ewa ken dakayo, nan mamati ken sak-en et awnit ikkana nan ik-ikkak. Owen, dadakke pay mo da tona nan ikkana tay omeyak ken Ama.

Juan 14:18

Adiyak taynan dakayo ay kaneg ngoso tay awnitak kasin somagong.

Juan 16:7

ngem ibagak nan tet-ewa ken dakayo, pagawisanyo met laeng nan komaanak tay no adiyak komaan et adi mabalin ay omali nan Ispirito Santo ken dakayo ngem isnan komaanak et ibaak siya ta badbadangana dakayo.

Juan 20:17

Ngem dat kanan Jesus, “Adika mangikawkawe tay egayak kayet ninsagong ken Ama. Omeyka bawet ibaga isnan papasolotko ay bebsatko en somagongak ken Amak ay Diosko ay siya nan Amayo ya Diosyo gedan.”

Juan 20:21

Dat kanan kasin Jesus ken daida, “Menlamlamnin kayo. Ibaak dakayo ay kaneg nan inkan Ama ay nangibaa ken sak-en.”

Juan 5:18

Isnan kinwanina ay naay et am-amed ginmege nan aap-apon di Judio ay mangwani en mangpatey ken siya tay baken kedeng di egayna nangtongpalan isnan lintegda isnan obaya nodi iyis-isona nan awakna ken Apo Dios ay mangwani en Amana siya.

Juan 7:33

Ngem dat kanan Jesus, “Makiteeak ken dakayo is sin-awyan pay esakpay somagong isnan nangibaa ken sak-en.

1 Corinto 11:3

Ngem wada pay nan masapol ay getkenyo et siya na. Nan babai et nan asawana nan apona. Nan lalaki abes et si Kristo nan apona ya nan apon Kristo et si Apo Dios.

1 Pedro 1:8

Egayyo ilaen siya ngem laylaydenyo siya kayet. Olay id wani et adi kaila ngem mamati kayo ken siya. Isonga men-galalasing kayo ay pilmi ay maid kakwaniyana

Naipagtek 1:11

Kinwanina en, “Isolatmo nan awnitmo il-ilaen ya dengdengngen ta ipa-eymo isnan mamati ay madagdagop isnan naay ay pito ay ili; id Efeso, id Esmirna, id Pergamo, id Tiatira, id Sardis, id Filadelfia ya id Laodicea.”