Juan 14:21 - Kalin Apo Dios

²¹ Nan mangdenge isnan bilinko danat tongpalen et siya nan manglaylayad ken sak-en. Nan manglaylayad ken sak-en et laylayden Ama ya laylaydek abes isonga awnitak ipagtek ken siya nan am-in ay maipanggep ken sak-en,” kinwanin Jesus.

Juan 14:21 Iomraidhean Croise

Salmo 35:27

Dapay abes nan men-gasing isnan mawayaak et menlagsak ya men-gasgasingda koma. Ibiyadda koma ay mangmangwani en, “Madaydayaw nan apo ay magasgasingan isnan mangabakan nan baana.”

Exodo 33:18

Dat idawat Moses ay mangwani en, “Pangaasim kad ta ipailam nan somili ay kawad-am.”

Jeremias 31:31

Dat itoloy nan apo ay mangwani en, “Awnit omdan nan timpo ay makitolagak is balo ay tolag isnan ipogawko ay nan Israel ya nan Juda.

Sofonias 3:17

tay nan apo ay Diosyo et wada ken dakayo. Nan kabaelana nan gapo ay mangabak kayo. Awnit igasing nan apo dakayo et gapo isnan layadna ken dakayo et awnit agtana dakayo is balo ay biyag. Awnit menday-eng ya men-gasgasing gapo ken dakayo

Lucas 11:28

Dat kanan Jesus, “Nagasgasat kayet nan ipogaw ay mangidnge ya mamati isnan kalin Apo Dios.”

Juan 14:15

Intoloy Jesus ay mangwani en, “No laylaydenyo sak-en et tongpalenyo nan bilinko.

Juan 14:18

Adiyak taynan dakayo ay kaneg ngoso tay awnitak kasin somagong.

Juan 15:14

et dakayo nan gagayyemko no tongpalenyo nan bilinko.

Juan 16:14

Madayawak gapo ken siya tay awnit id-ana nan kayatko ay ibaga ken dakayo.

Juan 16:27

tay laylayden Ama dakayo isonga itedna nan dawatenyo. Laylaydena dakayo gapo tay laylaydenyo sak-en ya patiyenyo ay nagapowak ken Apo Dios.

Juan 17:23

Wadaka ken sak-en ya wadaak abes ken daida isonga maeesada tasiyay maipaila isnan ipogaw ay inbaam sak-en ya laylaydem daida ay kaneg nan pananglayadmo ken sak-en.

Aapostolis 22:18

tay inilak si Jesus ay mangwani ken sak-en en, ‘Ikakamom ay mangtaynan id isna Jerusalem tay awnit adi patiyen nan ib-am ay Judio id isna nan ibagbagam maipanggep ken sak-en.’

2 Corinto 12:8

Olay namintolo ay ninlowalowak ken Apo Jesus ta pakaanena

2 Corinto 3:18

Isonga getken tako ay ostoosto nan tet-ewa ay maipanggep ken Kristo ya nan kangatona tay nakaan nan nangsasalin isnan nemnem tako. Isonga gapo isnan mang-il-ilaan tako ken siya et gomawgawgawis tako engganay maipaliso tako ken Kristo. Et si Apo Jesus ay Ispirito Santo nan mang-ik-ikkan is dana.

2 Corinto 4:6

Tay si Apo Dios ay nangboliw isnan mangsilsilaw isnan menbolinget et siya gedan nan nangtanggew isnan nemnemmi ta ipailana nan kangatongatona ay il-ilaen tako ken Kristo.

Deuteronomio 11:13

Isonga tongpalenyo nan bilbilin ay naibagbaga ken dakayo id wani. Laylaydenyo nan apo ay Diosyo ya mensilbi kayo ken siya isnan am-in ay nemnemyo.

2 Tesalonica 2:16

Sapay koma ta si Jesu Kristo ay Apo tako yas Apo Dios ay Ama tako nan mangipagagaget ya mangipapapigsa ken dakayo ta gawis nan am-in ay ik-ikkanyo ya am-in ay kankananyo tay si Apo Dios nan manglaylayad ken datako. Et gapo isnan layad ya anosna et it-itedna gedan nan gasing tako ay maid patenggana ya nan gawis ay namnamaen tako ay awnit ommat.

2 Timoteo 4:22

Sapay koma ta kanayon ay wada si Kristo ken sik-a ya likliknaenyo abes nan badang ya layadna. Kedeng dana is ibagak.

1 Juan 2:5

Ngem nan ipogaw ay mang-ik-ikkan isnan bilin Apo Dios et daida nan manglaylayad ay ostoosto ken siya. No kanan nan ipogaw en wada siya ay kanayon ken Jesu Kristo et masapol ay solsolotenda nan ogalina ya nan inik-ikkana. No keg tona nan ikkan tako et siya nan kagtekana ay maitatapi tako tet-ewa ken Apo Dios.

1 Juan 3:1

Nemnemen tako nan pilmi ay layad Apo Dios ken datako. Nan kagtekan nan layadna et nan nangpabalinana ken datako is an-akna. Owen, an-ak Apo Dios datako ay mamati ken Kristo. Ngem nan adi mamati et adida maawatan nan ogali tako tay adida getken nan Ama tako ay si Apo Dios.

1 Juan 5:3

No tongtongpalen tako nan bilbilin Apo Dios et siya nan kailaan nan kinatet-ewan nan layad tako ken siya. Ya nan bilbilina et baken naligat ay matongpal.

2 Juan 1:6

Siya na nan ikkan tako ta maila nan manglaydan tako isnan iib-a tako. Masapol ay tongtongpalen tako nan bilin Apo Dios. Dinngeyo id kasin nan esay bilina ay mangmangwani en menlinayad tako.

Naipagtek 2:17

No waday ingayo et idngeyo nan ibagbagan nan Ispiriton Apo Dios isnan mamati ay madagdagop ay mangdaydayaw ken sak-en isnan il-ili. Nan adi mangipalobos ay abaken Satanas et awnitak agtan siya isnan makan ay makwani en manna ay adi maila id wani. Wasdin esa ken daida et agtak abes is polaw ay bato ay naisolatan nan balo ay ngadana ay kedeng nan mangdawat is mangtek.”

Naipagtek 22:14

Awnit dadama nan gasing nan mangdalos isnan badoda ay naiyalig isnan maowasan di basol tay daida nan wada nan kalebbenganda ay songgep isnan segpan nan deey ay ili ya wada gedan nan kalebbenganda ay mangan isnan begas di kaiw ay mang-ited is biyag.

Naipagtek 3:20

Dengngenyo, itatatakdegko isnan segpan nan kanegyo baey ay menkogkogkog. No waday mangdenge danat tokaban et songgepak et makiobongak ken siya.