Juan 14:18 - Kalin Apo Dios

¹⁸ Adiyak taynan dakayo ay kaneg ngoso tay awnitak kasin somagong.

Juan 14:18 Iomraidhean Croise

Salmo 101:2

Makailak ta gawis am-in ay ik-ikkak ta maid kadelawak. Tongona pay nan omaliyam ken sak-en? Osto ya gawis nan ik-ikkak isnan baeyko.

Salmo 23:4

Olay no mendad-aanak isnan menbolinget ay diyok ay omey ken tetey et adiyak omegyat tay wadaka, apo, ken sak-en ya getkek ay masalaknibam sak-en isnan sokod ya pat-o ay almasmo.

Isaias 43:1

Sik-a ay ili ay Israel, kanan nan apo ay nangboliw ken sik-a en, “Adika omegyat tay isalakak sik-a. Dakayo ay iyIsrael, inayagak dakayo et menbalin kayo ay ipogawko.

Oseas 6:3

Getken tako ay siya nan tet-ewa ay apo isonga ipapati tako ay manggetek pay kayet ken siya. Nan katet-ewan nan awnitna omaliyan ken datako et kaneg nan sigolado ay domatngan nan tan-o ya nan tet-ewa ay domatngan di odan.”

Mateo 18:20

Tay olay no kedkedeng nan dowa wenno tolo is madagop gapo isnan mamatiyanda ken sak-en et wadaak gedan ken daida.”

Mateo 28:20

Isolowanyo ay gawis daida tapno tongpalenda am-in nan inbagak ken dakayo. Ya adiyo kalkalingkingan ay wadaak ken dakayo ay eng-enggana.”

Juan 14:16

Awnitak dawaten ken Ama ta omibaa is teken ay mangbadang ay makitee ken dakayo ay eng-enggana

Juan 14:3

Et isnan omayak ay mangisagana isnan awnityo mentean, awnitak somagong ay mang-ayag ken dakayo tasiyay makitee kayo isnan kad-ak.

Juan 16:16

Intoloy Jesus ay mangwani, “Isnan madandan ay agew awnit adiyo il-ilaen sak-en ngem adi mabayag et awnit mang-ila kayo kasin.”

Juan 16:33

Inbagak na ken dakayo tasiyay menlamlamnin kayo isnan maitatapiyanyo ken sak-en tay awnit paligaten nan adi mamati dakayo. Ngem olay, papigsaenyo kayet nan nemnemyo tay inabakko si Satanas ay ap-apon nan adi mamati ya nan am-in ay anito.”

2 Tesalonica 2:16

Sapay koma ta si Jesu Kristo ay Apo tako yas Apo Dios ay Ama tako nan mangipagagaget ya mangipapapigsa ken dakayo ta gawis nan am-in ay ik-ikkanyo ya am-in ay kankananyo tay si Apo Dios nan manglaylayad ken datako. Et gapo isnan layad ya anosna et it-itedna gedan nan gasing tako ay maid patenggana ya nan gawis ay namnamaen tako ay awnit ommat.

Hebreo 2:18

Isonga id wani makabadang siya ken datako ay ostoosto isnan madologan tako tay napalpaligatan siya isnan napadpadasana abes ay madolog ngem egayna tinongpal.