Juan 13:22 - Kalin Apo Dios

²² Dat men-asiila nan papasolotna tay adida getken no sino ken daida nan kankanana.

Juan 13:22 Iomraidhean Croise

Genesis 42:1

Id Canaan ay ilin da Jacob et ninbitil gedan et idi gintek Jacob ay wada nan pagey id Egipto danat kanan isnan an-akna ay lalalaki, “Dakayon aped menkikiyat?

Mateo 26:21

Mangmanganda dat kanan Jesus ken daida, “Ibagak ken dakayo en awnit isipsip nan esa ken dakayo sak-en.”

Mateo 26:22

Dadat madanagan ay pilmi dadapay men-asisoot en, “Ay sak-en ngen di mang-ikkan, Apo?”

Marcos 14:18

Mangmanganda pay dat kanan Jesus ken daida, “Ibagak ken dakayo nan tet-ewa et wada nan esang ay makikikan ken datako isna ay awnit mangisipsip ken sak-en.”

Marcos 14:19

Dadat menseseg-ang dapay wasdin mensoot ken siya, “Ay sak-en ngen?”

Lucas 22:21

Danat kanan, “Ngem ilaenyo. Nan awnit mangisipsip ken sak-en et wada isna ay makioobong.

Lucas 22:23

Dat men-asisoot san aapostolis no sinoy awnit mangisipsip ken siya.

Juan 13:18

“Ngem baken kayo am-in is pangwaniyak en nadalos kayo tay getkek nan nemnemyo ay pinilik. Ngem masapol ay maikkan na ta matongpal din naisolat ay kalin Apo Dios id kasin ay naay, ‘Nan esa ay nakikan ken sak-en et nangisipsip.’

Juan 13:21

Kinwanin Jesus di dat dadama ay mangangawngaw nan nemnemna isonga danat kanan, “Ibagak nan tet-ewa et mangisipsip nan esa ken dakayo.”