Juan 13:17 - Kalin Apo Dios

¹⁷ No getkenyo ya maawatanyo dana et nagasat kayo no tongpalenyo.”

Juan 13:17 Iomraidhean Croise

Genesis 6:22

Dat tongpalen Noe nan am-in ay inbilin Apo Dios.

Salmo 19:11

Palaingenda sak-en ay baan Apo Dios. Dakkel nan ipaayna ken sak-en isnan mangtongtongpalak.

Ezekiel 36:27

Awnitak ibokbok nan Ispiritok ken dakayo ta solotenyo nan bilinko dayopay ikkan nan lintegko ay inidyak ken dakayo

Mateo 12:50

Tay am-in nan mamati ay mang-ikkan isnan layden Ama id daya et kanegko gedan ina ya bebsat.”

Lucas 11:28

Dat kanan Jesus, “Nagasgasat kayet nan ipogaw ay mangidnge ya mamati isnan kalin Apo Dios.”

Juan 15:14

et dakayo nan gagayyemko no tongpalenyo nan bilinko.

Roma 2:13

Tay baken nan mangtekan nan ipogaw isnan linteg Apo Dios is gapo ay gawis nan pangiilan Apo Dios ken daida nodi masapol ay tongtongpalenda.

Galacia 5:6

Tay nan ipogaw ay maitatapi ken Jesu Kristo et baken nan ninpasegyatana wenno nan egayna ninpasegyatan is gapo ay gawis nan nemnem Apo Dios ken siya. Nodi nan gapo na et nan pammatina ay maipaila isnan manglaylaydana isnan ib-ana ay ipogaw.

Santiago 1:25

Siya di nan kaneg nan mangdengdenge isnan kalin Apo Dios danat adi tongpalen. Ngem nan mangnemnemnem ya mangtongtongpal isnan bilbilin Apo Dios et pagasingen Apo Dios isnan am-in ay ik-ikkana. Tay nan bilbilin Apo Dios et maid kolangda ya bolbolosanda isnan mabab-aaan nan ipogaw isnan ngawi.

Santiago 4:17

Isonga adiyo kalkalingkingan na, nan ipogaw ay mangtek isnan osto ay maikkan danat adi ikkan et nakabasol.

Naipagtek 22:14

Awnit dadama nan gasing nan mangdalos isnan badoda ay naiyalig isnan maowasan di basol tay daida nan wada nan kalebbenganda ay songgep isnan segpan nan deey ay ili ya wada gedan nan kalebbenganda ay mangan isnan begas di kaiw ay mang-ited is biyag.