Juan 12:46 - Kalin Apo Dios

⁴⁶ Inmaliyak ay silaw isnan batawa ta tanggewak nan nemnem am-in nan mamati ken sak-en ta adida mentetee isnan menbolinget.

Juan 12:46 Iomraidhean Croise

Salmo 36:9

tay sik-a nan magapgapowan di am-in ay biyag et gapo isnan silawmo et pomat-a nan nemnemmi.

Isaias 40:1

Kanan nan Diosyo en, “Liwliwaliwenyo nan ipogawko. Owen, liwliwaliwenyo daida.

Isaias 42:7

Awnit bitagem nan matan nan kowap dakapay wayaan nan balod ay mentetee isnan menbolinget.

Malakias 4:2

Ngem dakayo ay mangtongtongpal ken sak-en et awnit bomala nan kabaelak ay mangisalakan ken dakayo ya pagawisena dakayo ay kaneg nan ikkan nan agew. Awnit kayo men-gasgasing ay kaneg nan koyaw ay naipopokay tay mawayaan kayo.

Mateo 4:16

Nan ipogaw isdi et menbolinget nan nemnemda isonga kanegda natey tay adida getken si Apo Dios. Ngem awnit isdi nan mentanggewan nan silaw tay omey nan mangisolo ken daida et awnit matanggewan nan nemnemda.”

Lucas 2:32

Kaneg siya nan silaw ay mang-itdo olay isnan baken Judio tapno ilaenda nan daan ay omey ken sik-a. Isonga gapo isnan onga ay naay awnit madayaw nan Judio.”

Juan 1:9

Owen, siya nan tet-ewa ay silaw ay inmali isnan batawa ay mangtanggew isnan am-in ay ipogaw.

Juan 3:19

Nan kapabasolanda et inmali nan silaw isnan batawa ngem pawedwed-en kayet nan ipogaw nan menbolinget mo nan menpat-a gapo isnan ngawi ay ik-ikkanda.

Juan 8:12

Kasin ninkali si Jesus isnan kaipoipogaw danat kanan, “Sak-en nan silaw ay mangtanggew isnan nemnem di ipogaw isnan batawa. Nan mamati ken sak-en dat mang-onod et matanggewan siya ta makaan nan menbolinget isnan nemnemna tasiyay maagtan is biyag ay maid patenggana.”

Juan 9:39

Dat kanan Jesus, “Inmaliyak isnan batawa tasiyay mailasinan nan mamati ya adi mamati ken Apo Dios. Nan adi mamati ken Apo Dios et kanegda kowap ngem awnitak pagawisen daida no mamatida. Ngem nan aped mangmangwani en makailada tay getkenda kano si Apo Dios et daida nan kowap.”

Juan 9:5

Et isnan kawad-ak isnan batawa et sak-en nan silaw ay mangtanggew isnan nemnem di ipogaw.”

Aapostolis 26:18

Isolowam daida ta maawatanda nan maipanggep ken sak-en ta malawagan nan nemnemda ya dokoganda nan ngawi ya ta maabak nan kabaelan Satanas ken daida. Et no mamatida ken sak-en, pakawanen Apo Dios nan basbasolda tapno maitapida isnan ipogawna.’ Siya di nan kinwanin Jesus ken sak-en.”

Efeso 5:14

Daet no ilaenda nan kangawida et matanggewan nan nemnemda dadat menbalin is gawis. Et siya nan gapo ay wada nan day-eng ay naay, “Magidoka ay naseyep. Matagoka ay natey, Ta tanggewan Kristo nan nemnemyo.”