Juan 12:3 - Kalin Apo Dios

³ Dat alaen Maria nan esay palanggo ay nangina ay menbango ay lana ay makwani en naldo et ibokbokna isnan sikin Jesus danat ponasan isnan bookna daet napno nan baey isnan bangon nan lana.

Juan 12:3 Iomraidhean Croise

Salmo 132:2

Nenemnemem apo nan inkalina ken sik-a ay manakabalin ay Dios din si Jacob.

Lucas 10:42

Si Maria et pinilina nan mapaay tay mendedenge ken sak-en et adi makaan san dinngena.”

Lucas 7:46

Egaymo linanaan nan bookko ay kaneg nan ogali tako ngem siya et binokbokana nan sikik is nangina ay bangbanglo.

Juan 11:28

Kinwanin Marta di dat somaa et wag-eyena si Maria ta iyagasaasna ay mangwani, “Inmali nan Apo tako et paay-ayagana sik-a.”

Juan 11:32

Inomdan pay si Maria issan kad-an Jesus dat menlokbob isnan sasagangena danapay kanan, “Apo, no wadaka isna et egay koma katey nan besatko.”

Juan 19:39

Si Nikodemo san inmey nakitoya ken Jesus isdin esay labi. Issan inmayanda ken Jose et inkakawit Nikodemo nan limampoo ay kilo ay menbango ay agas ay ninlaok nan libon di kaiw ay mira ya alos.