Juan 12:23 - Kalin Apo Dios

²³ Dat kanan Jesus, “Nganngani nan kateyak ya nan kaipangatowak ay Iyon-an Am-in di Ipogaw.

Juan 12:23 Iomraidhean Croise

Isaias 55:5

Id wani et ipaayagmo nan ado ay baken Israelita tay isnan namingsan et egayda gin-gintek sik-a ngem id wani et mentagtagda ay omali ay maitapi ken sik-a. Sak-en nan apo ay Diosmo ay Dios gedan di Israel et awnitak ipaikkan am-in dana daket agtan sik-a is dayaw ya ipangatok sik-a.”

Isaias 60:9

Daida nan bapol ay magapgapo isnan anaddawi ay il-ili ay mang-isaa isnan ipogaw Apo Dios. Ikakawitda nan palata ya balitok ay idayawda isnan ngadan nan apo ay Dios di Israel ay nang-ipadayaw isnan ipogawna isnan am-in ay kaili-ili.

Mateo 25:31

Intoloy Jesus ay mangwani en, “Isnan omaliyak ay men-ali et mamakkey nan aanghel ta maila nan kangaton Apo Dios ken sak-en daket tomokdo isnan tokdowan di mentolay.

Mateo 26:45

Idi kasin mensagong danat ilan ay daanda ay maseseyep danat kanan, “Ay daan kayo pay laeng ay omiilleng ya maseseyep aya? Inomdan et nan maitedak ay Iyon-an Am-in di Ipogaw isnan managbasol.

Marcos 14:35

Dat gomay-ed si Jesus et menlokbob ay mendawat ken Apo Dios ta no mabalin et adi matoloy nan nganngani ay ommat ken siya

Marcos 14:41

Dat omey menlowalo is maikatlo esapay kasin mensagong et ilaena nan papasolotna danat kanan, “Ay daan kayo pay laeng ay omiilleng ay maseseyep aya? Ad-o sa tay inomdan et nan maitedak ay Iyon-an Am-in di Ipogaw isnan managbasol.

Juan 12:16

Nan papasolotna et egayda naawatan nan kayatna ay kanan ngem isnan sinmagongan Jesus id daya et siya nan nangnemnemanda isdin naisolat id kasin maipanggep ken siya tay tinmet-ewa ay naikkan ken siya.

Juan 12:27

Dat itoloy Jesus ay mangwani, “Id wani et mangangawngaw nan nemnemko. Ngan ngata nan kanak ken Ama? Ay kanak ngen en, ‘Ama, ilisim koma sak-en isnan naay ommat ken sak-en?’ Ngem adi tay siya na nan gapo ay inmaliyak.”

Juan 13:1

Nganngani nan Fiestan di Linmaosan di Anghel et getken Jesus ay siya nan komaanana isnan batawa ay somagongana ken Amana. Et siya na nan timpo ay mangipailaana ay maid kolang di layadna isnan ipogawna isnan batawa tay enggana isdin damo et linaylayadna daida.

Juan 7:39

Nan kayat ay kanan nan inbagan Jesus et nan Ispirito Santo ay nganngani ay dawaten nan mamati ken siya ngem egay kayet naidya tay masapol ay somagong si Jesus isnan kadayawana id daya esapay maidya.