Juan 12:10 - Kalin Apo Dios

¹⁰ Isonga dat mentotolag nan deeyday menkangangato ay papadi ta pateyenda gedan si Lazaro

Juan 12:10 Iomraidhean Croise

Exodo 10:3

Dat kasin omey da Moses ken Aaron isnan ali et kananda ken siya en, “Kanan nan apo ay Dios di Hebreo en ay tongona pay kano di menpakombabaam. Ipalobosmo et kano nan ipogawna ta omeyda mendayaw ken siya.

Mateo 12:14

Ngem mamaslat nan Fariseo dadapay komaan et omeyda mentotya no ngan nan ikkanda ay mangpatey ken Jesus.

Mateo 2:16

Issan nanggetkan Herod ay sinikapan san mamasilib ay aamam-a siya dat dadama nan ligetna isonga danat ibilin ay mapatey am-in ay oongong-a ay lalaki id Betlehem ya isnan am-in ay ili ay sag-ena. Pinateyda am-in ay lalalaki ay kabalbala engganay mentew-en is dowa tay doway tew-en san nallos issan nang-ilaan san mamasilib ay aamam-a issan talaw.

Lucas 16:31

Ngem dat kanan kayet Abraham, ‘No adida patiyen nan insolat din si Moses ya din mamadton Apo Dios, adida kayet mamati olay no waday matago is natey.’”

Juan 11:57

Ngem nan menkangangato ay papadi ya nan Fariseo et inbilinda en no waday mangtek isnan kad-an Jesus danat ibaga ken daida ta depapenda.

Juan 12:11

tay isnan natagowana et adoado nan Judio ay naisiyan isnan aap-apoda ta mamatida ken Jesus.

Juan 12:9

Dinngen nan adoado ay Judio ay wada si Jesus id Betania dadat omey isdi. Inmeyda ngem baken si Jesus et kedeng nan gapona nodi ta ilaenda si Lazaro ay tinagona.