Juan 1:3 - Kalin Apo Dios

³ Inpaboliw Apo Dios ken siya nan am-in et maiwed nawada no egayna boliwen.

Juan 1:3 Iomraidhean Croise

Genesis 1:1

Isdin loglogina ay esapay mawada nan am-in ay wada et binoliw Apo Dios nan daya ya nan batawa.

Genesis 1:26

Dat kanan Apo Dios, “Id wani mensapowak is ipogaw is kanegko. Et wada nan kalebbengana isnan am-in ay menkiwkiwi ay amo ya atap, ay dadakke ya teteteen, nan ikan ya nan koykoyat.”

Salmo 102:25

Isdin on-onana et sik-a nan nangboliw isnan batawa ya sik-a gedan nan nangboliw isnan daya.

Salmo 33:6

Ninkali nan apo dat mawada nan daya. Nan agew, bowan ya nan taltalaw et nasapo gedan isnan kalina.

Isaias 45:12

Tay sak-en nan nangboliw isnan batawa ya nangsapo isnan ipogaw ay mentetee. Daet isnan panakabalinko et inoyadko nan daya daket ippey nan agew, nan bowan ya nan taltalaw isdi.

Isaias 45:18

Nan apo ay nangboliw isnan daya et siya et kedeng nan tet-ewa ay Dios. Siya gedan nan nangboliw isnan batawa danapay esten ay makneg ya adi kadadadael. Egayna aped sinapo ay maid silbina nodi ta mentean di kaipoipogaw. Et siya nan nangwani en, “Sak-en nan apo et maid teken is Dios.

Juan 1:10

Inmali san makwani en Kali isnan batawa et olay no naboliw gapo ken siya et egay kayet inmatonan nan ipogaw siya.

Juan 1:2

Owen, nawawada siya ken Apo Dios esapay mawada nan naboliw.

Efeso 3:9

Tay si Apo Dios ay nangboliw isnan am-in ay wada et inbaana sak-en ay mangipagtek isnan am-in ay ipogaw nan ikkana ta matongpal nan panggepna ay egayna inpagtek id kasin enggana id wani

1 Juan 5:1

Nan ipogaw ay mamati ay si Jesus nan inbaan Apo Dios ay makwani en Kristo et daida nan an-ak Apo Dios. Ya am-in ay manglaylayad isnan Ama, laylaydena abes nan an-akna.

Naipagtek 3:14

Danat ibaga abes nan isolatko isnan mangipangpango isnan mamati id Laodicea. Kanana, “Sak-en ay makwani en Tet-ewa tay matalekak ya am-in ay ipagtekko ay maipanggep ken Apo Dios et tet-etet-ewa et wada nan ibagak ken dakayo. Sak-en gedan nan nangipaboliwan Apo Dios isnan am-in ay wada.

Naipagtek 4:11

“Sik-a nan Apomi ya Diosmi. Maibagayka ay madayaw ya maipangato gapo isnan dadama ay panakabalinmo tay sik-a nan nangwada isnan am-in ay wada. Owen, gapo isnan layadmo ay nangwada isnan am-in et naboliwda.”