Josue 4:23 - Kalin Apo Dios

²³ Tay nan apo ay Dios tako et tindokna nan danom nan Jordan enggana ay nakagdang tako ay kaneg din inikkana ken dakami isdin nangtodokana isnan Gadangdang ay baybay ta gomdang kami.

Josue 4:23 Iomraidhean Croise

1 Aali 8:43

et dengngem koma nan lowaloda isnan kad-am ay nan daya ta idyam nan dawatda. Et siya nan manggetkan nan am-in ay ipogaw isnan batawa isnan kabaelam dadat patgen sik-a ay kaneg nan ikkan nan ipogawmo ya ta mangtekanda ay nan naay Templo ay sinaadko nan tet-ewa ay pagdaydayawan ken sik-a apo.”

Nehemias 9:11

Sik-a gedan nan nangpasiyan isnan danom nan Gadangdang ay Baybay ta mendaan nan ipogawmo isnan namagaan ay lota dakapay limonen nan mangkedkedag ken daida ay kaneg nan ommat isnan bato no maekdag isnan adaadaem ay danom.

Salmo 78:13

Ginedwana nan baybay et pinadaana daida et pinatakdegna nan danom ay kaneg diding issan nindaananda.

Exodo 14:21

Dat oyaden Moses nan ledengna isnan kad-an di baybay daet ipadagem nan apo nan napigsa ay dagem ay nagapo isnan balaan di agew et mensiyanena nan danom. Sinlabiyan ay nindagem et naango nan gawan nan baybay tay nasiyan nan danom et nakadwa.

Isaias 43:16

Id kasikasin et inomset nan apo isnan baybay is daan isnan gawana isnan mensassasa ay danom