Jonas 4:8 - Kalin Apo Dios

⁸ Idi makagkag-aw ay epdas binmala nan agew dat omipaey si Apo Dios is menpoos ay dagem ay nagapo isnan balaan di agew et nganngani pay maolaw si Jonas isnan pilmi ay poos isonga dat mendawat ay mangwani en, “Gawgawis pay et ay mateyak mo nan matatagowak isnan kaneg tona.” Tay kaytena ay matey.

Jonas 4:8 Iomraidhean Croise

Genesis 41:6

dat mawanada nan pito ay kolaw ay baga issan deey gedan ay bilog di pagey

Salmo 121:6

isonga adi pasakiten nan agew dakayo isnan kag-aw wenno nan tedek isnan labi.

Salmo 39:9

In-giginekko ay egayak ninlilili tay sik-a nan nang-ipakalo ken sak-en.

Isaias 49:10

Et awnit adida polos kasin kaow-owat ya adida kasin kaew-ewew ya adida pay mapaligatan isnan kaeegyat ay agew tay sak-en ay mangsegseg-ang ken daida nan mang-ipangpango ken daida et iyeyko daida isnan balaan di danom.

Jonas 1:17

Dat isnan bilin nan apo et inoklong di dakedake ay ikan si Jonas et nintetee isnan eges san ikan is tolo ay agew ya labi.

Jonas 1:4

Ngem dat ipaey nan apo nan napigsa ay dagem issan baybay et menlemlem is napinapigsa et kanega madadael nan bapol.

Jonas 4:3

Isonga id wani apo, ipalobosmo ngalod ay mateyak tay gag-awis pay ay mateyak mo nan matatagowak.”

Jonas 4:9

Ngem dat kanan nan apo en, “Ngan di kalebbengam ay aped makaliget isnan inommat isnan esek?” Dat kanan Jonas, “Owen, lebbengna ay makaligetak. Olay pay siyay gapo is mateyak.”

Mateo 20:12

ay mangwani en, ‘Nan deeyda et es-esa ay olas nan nin-oblaanda dapay dakami et dadama nan poos dakami pay inmaagew. Into nan ikkana ay aped paliso nan lagbomi?’

Naipagtek 3:19

Am-in ay laylaydek et bagbagaak ya dosdosaek daida no ngawi nan ik-ikkanda tasiyay maitdowanda. Isonga ibabawiyo nan basbasolyo ta patiyenyo sak-en ay osto.

Naipagtek 7:16

Isonga adida polos kasin kaow-owat ya adida kasin kaew-ewew. Adida pay mapaligatan isnan kaeegyat ay agew ya mailisida isnan pilmi ay poos di kompolmi

1 Samuel 3:18

Isonga inbagan Samuel ken siya am-in ay maid polos in-gagagona. Dat kanan Eli en, “Siya nan apo et kalebbengana ay mang-ikkan isnan kagawisan ken siya.”