Jonas 3:8 - Kalin Apo Dios

⁸ Am-in nan ipogaw et masapol ay menbadoda is sako ya sako gedan nan aplag di talaken. Masapol ay ipasnekyo ay menlowalo ken Apo Dios dayopay isaldeng nan ngawi ay ogaliyo ya ngawi ay ik-ikkanyo.

Jonas 3:8 Iomraidhean Croise

Isaias 58:6

Ngem baken di is laydek nodi nan kaytek ay ikkan di mentepe et kaanenyo nan mang-aamisanyo isnan ib-ayo dakayopay badangan nan makasapol is badang.

Jeremias 26:3

Et waay dadlo idngeda et isaldengda nan ngawi ay ik-ikkanda. No ikkanda na et adiyak itoloy nan ninemnemko ay mangdosa ken daida.

Ezekiel 33:11

Ibagam ken daida ay kanak en nan katet-ewan nan matatagowak ay Dios et siya nan kaneg nan katet-ewan nan kanak ay adiyak men-gasing isnan mateyan di managbasol nodi nan kaytek et ta isaldengna ay menbasbasol tasiyay di matago. Dakayo ay Israelita, dokoganyo nan ngawi ay ik-ikkanyo. Ayta od dakayon kayten ay matey?”

Jonas 1:14

Dadat men-adawag isnan apo ay mangwani en, “O Apo, adim koma dosdosaen dakami is tetey gapo isnan mangpateyanmi isnan naay ipogaw. Sik-a apo nan kigad isnan naay om-ommat tay sik-a nan mang-ipagtek isnan osto ay ikkanmi.”

Jonas 1:6

Dat omey nan kapitan di bapol ken siya et kanana, “Dakan aped maseseyep? Bomangonka adi ta menpabadangka gedan isnan diosmo ta baleng pay seg-angana datako ta adi tako matey.”

Mateo 3:8

Ngem adi kayo aped mabonyagan mo adiyo dokogan nan ngawi ay ogaliyo tay masapol ay ipailayo ay tet-ewa ay inbabawiyo nan basbasolyo.

Aapostolis 26:20

tay inbagbagak isnan kaipoipogaw ta dokoganda nan basolda ta si Apo Dios di patiyenda dadapay ik-ikkan nan gawis ay mangipagtek isnan pammatida. Id Damasco nan damo ay nangisolowak is dadi dat id Jerusalem dat isnan kailiili isnan probinsiya ay naay ay Judea dat abes isnan baken Judio.

Aapostolis 3:19

Isonga dokoganyo nan basolyo ta nemnemenyo si Apo Dios ta kaanena nan basolyo ya itedna nan nasimpa ay nemnem ken dakayo.

Naipagtek 11:3

Ngem isnan deey ay epatpoo ya doway bowan ay sinlibo ya dowanggasot ya enempoo ay agew et siya gedan nan mangibaaak isnan doway tistigosko ay mangpaneknek ken sak-en. Et sako nan badoda ay mangipaila isnan menseseg-anganda gapo isnan om-ommat.”