Jonas 3:5 - Kalin Apo Dios

⁵ et pinatin nan iNineve nan inpabagan Apo Dios isonga ninemnemda ay mentepeda am-in. Ya am-in nan ipogaw isdi ay menlogi isnan kababaan et enggana isnan kapapatgan et ninbado is sako ay mangipaila en menbabawida.

Jonas 3:5 Iomraidhean Croise

Jeremias 31:34

Adi masapol ay itdowanda nan kakailyanda ay mangwani en getkenyo koma si Apo Dios tay awnitda am-in mamati ken sak-en ay menlogi isnan kababaan enggana isnan kangatowan ay ipogaw tay pakawanek nan basbasolda. Adiyak et nemnemnemen kasin nan ngawi ay inik-ikkanda.” Siya na nan kinwanin nan apo.

Jonas 3:7

Danat ipabaga isnan ipogaw id Nineve en, “Naay nan bilin nan ali ya nan oopisyalisna: Masapol ay adi kayo mangmangan. Maiyadi nan manganan ya ominoman nan am-in ay ipogaw, baka ya kalnilo.

Mateo 12:41

Isonga isnan mangbanagan Apo Dios isnan ipogaw et pabasolen nan iNineve dakayo tay inbabawida nan basbasolda isnan nangdengnganda isdin insolsolon Jonas dapay nan inmali ken dakayo et nangatngato mo din si Jonas dapay adiyo kayet patiyen.

Lucas 11:32

Isnan mabanagan nan ipogaw et pabasolen gedan nan iNineve dakayo tay inbabawida nan basbasolda issan nangdengnganda isdin insolsolon din si Jonas dapay nan inmali ken dakayo et nangatngato mo si Jonas dapay adiyo kayet patiyen.”

Aapostolis 27:25

Isonga tomoled kayo ay iib-ak tay patiyek si Apo Dios ay awnit ommat am-in nan inbagana.

Aapostolis 8:10

Patiyen am-in nan omili olay sinoy kaipogawna, nangato wenno nababa. Et kananda en napigsa nan kabaelana ay inidyan Apo Dios ken siya.

Hebreo 11:1

Nan kanan tako en pammati et siya nan mamatiyan tako ay awnit matongpal tet-ewa nan namnamaen tako ay olay adi tako iilaen id wani. Olay maid tako isdi ay nangiila et mamati tako ay aped nawada nan am-in ay wada tay patpatiyen tako ay binoliw Apo Dios dadi gapo isnan kalina et kedeng. Et nan pammati ay kaneg todi nan gapo ay men-gasing si Apo Dios isnan tapin di ipogaw id kasikasin.

Hebreo 11:7

Kaneg abes din si Noah tay nan pammatina gedan nan gapo ay pinatina nan inbagan Apo Dios ken siya. Tay inbagan Apo Dios nan kaeegyat ay awnit ommat dat patiyen Noah ay olay maid inil-ilana is kaneg todi. Isonga ninsapo is bapor ay kaneg nan inbagan Apo Dios et siya nan naisalakanan Noah ya nan pamilyana isdin napsongan nan batawa. Gapo isnan pammatina et gawis nan pangiilaan Apo Dios ken siya dapay nan tapin di ipogaw ay egay namati et nadosada ay natey.

Naipagtek 11:3

Ngem isnan deey ay epatpoo ya doway bowan ay sinlibo ya dowanggasot ya enempoo ay agew et siya gedan nan mangibaaak isnan doway tistigosko ay mangpaneknek ken sak-en. Et sako nan badoda ay mangipaila isnan menseseg-anganda gapo isnan om-ommat.”