Jonas 3:4 - Kalin Apo Dios

⁴ Isnan damo ay agew ay nangsolsolan Jonas isnan deey ili ay mangmangwani en, “Isnan epatpoo ay agew et awnit mabakas nan Nineve,”

Jonas 3:4 Iomraidhean Croise

2 Aali 20:1

Isdin mentotolayan Hezekias ay alin di makwani en Juda et nasakit et gistay matey. Isdin deey ay timpo et si Isaias ay anak Amos nan esay mamadton nan apo isonga dat omey ken ali Hezekias et kanana en, “Kanan nan apo en bilinem nan taynam tay adika et gomawis. Mensaganaka ay matey.”

Isaias 30:18

Ngem olay no keg todi et sesed-en nan apo nan somagonganyo ta seg-angana dakayo. Owen, nakasagana ay mangseg-ang ken dakayo tay am-in ay ik-ikkana et osto. Nagasat nan mentaltalek isnan apo.

Jonas 3:10

Inilan Apo Dios nan inikkan nan iNineve. Inilana ay dinokoganda nan ngawi ay ogalida isonga danat sokatan nan nemnemna et egayna et dosaen daida ay kaneg nan kinwanina.

Mateo 12:41

Isonga isnan mangbanagan Apo Dios isnan ipogaw et pabasolen nan iNineve dakayo tay inbabawida nan basbasolda isnan nangdengnganda isdin insolsolon Jonas dapay nan inmali ken dakayo et nangatngato mo din si Jonas dapay adiyo kayet patiyen.

Lucas 11:30

Tay din si Jonas et nintetee isnan eges di dakkel ay ikan is toloy agew et siya nan pangilaslasinan nan iNineve ay siya nan inbaan Apo Dios ay mangibaga isnan kalina. Kaneg abes ken sak-en ay Iyon-an Am-in di Ipogaw et nan awnit ommat ken sak-en nan pangilaslasinan nan ipogaw id wani.

Lucas 11:32

Isnan mabanagan nan ipogaw et pabasolen gedan nan iNineve dakayo tay inbabawida nan basbasolda issan nangdengnganda isdin insolsolon din si Jonas dapay nan inmali ken dakayo et nangatngato mo si Jonas dapay adiyo kayet patiyen.”

Deuteronomio 18:22

Naay nan mangtekanyo, no menkali nan mamadto ay pala isnan apo kano dat adi tomet-ewa nan kinwanina et siya nan kagtekana ay baken nan apo is nagapowana. Nan kaneg tona ay mamadto et aped makikigad ay ninkali isonga adi kayo omeg-egyat isnan ibagbagana.”