Jonas 3:2 - Kalin Apo Dios

² et kanana en, “Enka id Nineve ay dakkel ay ili ta ibagam isnan ipogaw isdi nan inpagtekko ken sik-a.”

Jonas 3:2 Iomraidhean Croise

Exodo 4:28

Daet ibagan am-in Moses ken Aaron nan inbagan nan apo issan nintoyanda danapay ibaga gedan san am-in ay kaskasdaaw ay inbilin nan apo ay ikkana.

Jeremias 1:7

Ngem dat kanan nan apo ken sak-en en, “Adim kanan en daanka ay onga nodi omeyka isnan ipogaw ay mang-ibaaak ken sik-a ta ibagam ken daida nan am-in ay ibilinko.

Ezekiel 2:7

Ibagam kayet ken daida nan am-in ay kanak ay olay no adida dengngen tay gegetkem ay nasokilda.”

Jonas 1:2

Kinwanina en, “Omeyka isnan dakkel ay ili ay Nineve ta ibagam en awnitko bakasen nan deey ay ili tay getkek nan kangawin nan ipogaw isdi.”

Jonas 3:1

Dat kasin makikali nan apo ken Jonas

Jonas 3:3

Daet tongpalen et Jonas nan apo et omey id Nineve. Nan Nineve et annaanawa ay ili isonga tolo ay agew nan nangsolsolana.

Mateo 3:8

Ngem adi kayo aped mabonyagan mo adiyo dokogan nan ngawi ay ogaliyo tay masapol ay ipailayo ay tet-ewa ay inbabawiyo nan basbasolyo.

Juan 5:14

Maaw-awni pay dat anapen Jesus san lalaki ay deey danat datngan siya isnan Templo danat kanan, “Ilam, ginmawiska et. Adika bomasbasol kasin modatya waday ommat ken sik-a is am-am-amed ngawi.”