Jonas 3:10 - Kalin Apo Dios

¹⁰ Inilan Apo Dios nan inikkan nan iNineve. Inilana ay dinokoganda nan ngawi ay ogalida isonga danat sokatan nan nemnemna et egayna et dosaen daida ay kaneg nan kinwanina.

Jonas 3:10 Iomraidhean Croise

Exodo 32:14

Isonga daet ibabawin nan apo san kinwanina et egayna et dosaen nan ipogawna.

Isaias 30:18

Ngem olay no keg todi et sesed-en nan apo nan somagonganyo ta seg-angana dakayo. Owen, nakasagana ay mangseg-ang ken dakayo tay am-in ay ik-ikkana et osto. Nagasat nan mentaltalek isnan apo.

Joel 2:13

Ipailayo nan seg-angyo isnan ik-ikkanyo tay adi omanay nan mangsingsingatanyo isnan badbadoyo is mangipaila. Somagong kayo isnan apo ay Diosyo tay naanos ya managseg-ang siya. Maan-anosana dakayo danapay tongpalen nan inkalina. Kanayon ay nakasagana ay mangpakawan ken dakayo ay adi mendosa.

Jonas 4:11

Isonga am-am-amedak adi koma is maseg-ang id Nineve ay napateg ay ili ay kad-an di nasolok ay singgasot et dowampoo ay libo ay kan-egda oongong-a tay maid pay laeng getkenda ya wada pay nan adoado ay talakenda.”

Jonas 4:2

Danat kanan, “apo, ay egayak kinwani isdin esakpay komaan id baey ay siya na nan awnitmo ikkan isonga inkakamok et tomagtagak ay omey id Espania? Getkek ay managlayadka ya managseg-angka ay Dios, naanos ya kanayon ay nakasaganaka ay mangbaliw isnan ninemnemmo ta adika mendosa.

Lucas 11:32

Isnan mabanagan nan ipogaw et pabasolen gedan nan iNineve dakayo tay inbabawida nan basbasolda issan nangdengnganda isdin insolsolon din si Jonas dapay nan inmali ken dakayo et nangatngato mo si Jonas dapay adiyo kayet patiyen.”

Lucas 15:20

Issan sinmagongana isnan kad-anda et egay pay laeng omdan dat ilaen amana ay omal-ali et palalo nan seg-angna dat tomagtag ay mangsab-at ken siya et sektena danapay bisitowen.