Jonas 2:9 - Kalin Apo Dios

⁹ Ngem sak-en et menday-engak ay mangdaydayaw ken sik-a. Men-idatonak ken sik-a ya ikkak nan inkalik. Kedkedeng nan apo is makaisalakan.”

Jonas 2:9 Iomraidhean Croise

Salmo 107:22

Men-idatonda koma isnan men-iyamananda ya iday-engda nan gasingda ay mang-ibagbaga isnan inik-ikkana.

Salmo 27:1

Nan apo nan mangtangtanggew isnan nemnemko ya nan mang-isalsalakan isonga sino pay di apedko iyegyat? Nan apo nan menkamkamangak isonga adiyak polos omeg-egyat.

Salmo 3:8

Sik-a, apo, nan magapowan di kaisalakanan. Sapay koma ta bindisyonam nan ipogawmo.

Salmo 50:14

Isonga nan iyamanyo koma nan idatonyo ken sak-en ay Dios dayopay tongpalen nan inkaliyo ken sak-en ay Kangangatowan.

Salmo 50:23

Nan mangdayawanyo ken sak-en nan tet-ewa ay daton ay mangpateg ken sak-en et isaganayo nan mang-isalakanak ken dakayo.”

Salmo 68:20

Si Apo Dios ay Dios tako nan mangisalsalakan. Owen, siya ay kangatowan ay apo nan mangisalakan ken datako isnan tetey.

Salmo 95:2

Omey tako isnan sagangna ay men-iyaman. Ibiyad tako nan kanta tako ay men-gasgasing isnan maidaydayaw ken siya.

Juan 4:22

Dakayo ay iSamaria et adiyo getken no sino nan daydayawenyo ngem dakami ay Judio et getkenmi nan daydayawenmi tay nagapo isnan Judio nan awnit mangisalakan.

Aapostolis 4:12

Tay maid teken is mabalin ay mangisalakan ken datako no baken si Jesus tay kedkedeng siya is inbaan Apo Dios ay mangisalakan isnan ipogaw.”

Roma 12:1

Bebsatko, gapo isnan am-in ay gawis ay inik-ikkan Apo Dios ay pala ken datako ya gapo isnan seg-angna ken datako, kanak en pangaasiyo ta itedyo ken Apo Dios nan awakyo ay mang-ik-ikkan isnan kayatna tay siya nan gomasingana ken datako. Ikkan tako tay siya di nan osto ay maikkan no tet-ewa ay patgen tako si Apo Dios.

Hebreo 13:15

Isonga gapo isnan mamatiyan tako ken Jesus et baken et nan ibonbon-ong tako is ited tako ken Apo Dios. Nodi nan dayaw tako ken siya nan kanayon ay it-ited tako. Tay nan mangibagbagaan tako ay si Jesus nan Apo tako et siya nan esa ay mangdayawan tako ken Apo Dios.

Naipagtek 7:10

Inbibiyadda ay mangmangwani en, “Maid teken is mangisalakan ken datako nodi nan Kalnilo et kedeng yas Apo Dios ay tomotokdo ay mentolay.”

1 Samuel 12:21

Adi kayo mendaydayaw isnan sinangdidios tay adida maisalakan wenno mabadangan dakayo tay daida et maid polos silbida.