Jonas 2:2 - Kalin Apo Dios

² “Isnan ligatko et inayagak sik-a apo et nang-idngeka. Owen, issan matmateyak et nin-adawagak ken sik-a et inidngem sak-en.

Jonas 2:2 Iomraidhean Croise

Salmo 116:3

Nangliwes nan pang-eg-egyat di tetey et ngannganiyak ay maippey isnan kad-an di natnatey. Nin-ikalowak is danag ya seg-ang

Salmo 120:1

Isnan madanagak et mendawatak isnan apo et dengngena sak-en.

Salmo 16:10

tay getkek ay adika mangkalkalingking isnan kad-an di natey ya adim ipalobos ay madonot nan awak di napateg ay pinilim.

Salmo 22:24

tay adina baybay-an nan kodokdo nodi badangana daida isnan mapalpaligatanda. Adina dokdokogan daida nodi inaagna daida isnan men-adawaganda.

Salmo 34:6

Isnan kinakapsotko et nindawatak ken siya danat dengngen sak-en. Insalakana sak-en isnan am-in ay ligatko.

Salmo 4:1

O Dios ay salaknibko, inaagmo kad nan lowalok ta mangbadangka. Isdin naligatak et nangbadangka et id wani seg-angam kasin sak-en ta dengngem koma nan lowalok.

Salmo 61:2

Olay no into nan kad-ak ay addawi man et men-adawagak kayet ken sik-a. Isnan kamaid namnamak et sik-a nan men-adawagak. Iwanedmo sak-en ay menkamang ken sik-a ay kaneg nan menlinged isnan dakkel ay bato

Salmo 65:2

Gapo tay dengngem nan lowalo et mendawat am-in nan ipogaw ken sik-a.

Salmo 86:13

tay dadama nan adi menbalbaliw ay layadmo ken sak-en ya insalakanmo sak-en isnan kad-an di natnatey.

Ezekiel 31:14

Isonga masapol ay adi men-et-etek nan tap-in di ili gapo is kinangatoda ay kaneg nan inikkan san naidiligan san kaiw. Tay am-in et wada nan patenggana dadat maitapi isnan impilno ay siya nan omayan di am-in ay lastog.”

Mateo 12:40

Tay din si Jonas et nintee isnan eges di dakkel ay ikan isnan tolo ay agew. Kaneg abes ken sak-en ay Iyon-an Am-in di Ipogaw et awnitak maikakaob is tolo ay agew.

Lucas 11:10

Tay am-in ay kadadanawat ya kalalanowalo ken Apo Dios et awnitna agtan ya am-in ay menkogkog et awnit tokabana nan eneb ta songgepda.

Lucas 22:44

Gapo isnan palalo ay ligatna danat ipapasnek ay menlowalo et kaneg basa nan lingetna ay nintedted isnan lota.

Aapostolis 2:27

tay getkek ay adika mangkalkalingking isnan kad-an di natey ya adim ipalobos ay madonot nan awakko tay sak-en nan mangtongtongpal ken sik-a.

Hebreo 5:7

Inpailan Jesus ay maibagay siya ay mang-ik-ikkan isnan oblan nan kangatowan ay padi tay isdin nganngani ay mateyana isdin kad-ana isnan naay ay batawa et dadama nan ninlowalowana ken Apo Dios ay makabael ay mangisalakan ken siya ta no mabalin koma et adi matey. Palalo ay nin-ag-aga ngem egayna inpapati nan kayatna nodi inpalobosna ay nan am-in ay layden Apo Dios nan masapol ay matongpal. Isonga dinngen Apo Dios nan lowalona.