Jonas 1:9 - Kalin Apo Dios

⁹ Dat kanan Jonas, “Esaak ay Hebreo. Mendaydayawak isnan apo ay Dios id daya ay nangboliw isnan daga ya nan baybay.”

Jonas 1:9 Iomraidhean Croise

Genesis 1:10

Danat ngadanan nan lota is batawa ya nan danom ay naponok is baybay et men-gasing isnan inilana.

Genesis 39:14

dat aped men-oowakis dat omey nan babaana danat kanan, “Ilanyo pod! Nan Hebreo ay inyalin asawak isna et pababainena datako! Inmali et kanana en mangloko

Nehemias 9:6

Sik-a nan kedkedeng ay apo. Binoliwmo nan batawa, nan daya, nan baybay ya nan am-in ay wada ken daida. Isnan am-in datona et sik-a nan mangtetena dapay daydayawen am-in ay wada id daya sik-a.

Salmo 136:26

Men-iyaman tako et ken Apo Dios id daya tay nan adi menbalbaliw ay layadna et maid patenggana.

Exodo 1:15

Daet kakalin san alin di Egipto nan dowa ay inin-a ay da Sifra ken Pua tay daida nan menpaan-anak isnan bababain di Hebreo.

Exodo 2:13

Kawakgatana pay dat kasin omey issan kad-an san Hebreo ay kakailyana danat ilaen nan dowa ay Hebreo ay mensapsape danat kanan issan nakabasol en, “Ayta dakan sogsogtowen nan ib-am?”

Aapostolis 14:15

“Gagayyem, dayon aped ik-ikkan na? Ipogaw kami ay kanegyo met laeng. Inmali kami isna ta ibagbagami nan gawis ay damag ay maipanggep ken Kristo ta taynanyo nan sinang didiosyo ay maid kapaayanda ta patiyenyo si Apo Dios ay naleleng-agan. Si Apo Dios et siya nan nangboliw isnan daya, nan batawa, nan baybay ya nan am-in ay mentetee.

Aapostolis 27:23

Getkek di tay si Apo Dios ay daydayawek ay kakwa ken sak-en et id labi inbaana nan esay anghelna ay ninpaila ay mangwani ken sak-en

Filipos 3:5

tay ilaenyo, tet-ewa ay Judiowak tay Judio gedan da ama isonga nasegyatanak isdin maikawao ay agewko. Sak-en nan esay apon din si Israel tay nan anakna ay din si Benjamin nan apok et maid apok is baken Judio. No maipanggep isnan linteg ay inted Apo Dios ken Moses et tinongpalko am-in dadi tay Fariseowak.

Naipagtek 11:13

Dat manayegyeg nan batawa is napigsa et madadael nan pagkasimpoon san deey ay ili dapay wada nan natey ay pitoy libo ay ipogaw. Dat dadama nan egyat nan tap-in di ipogaw isonga dadat dayawen si Apo Dios.

Naipagtek 15:4

Maid polos adi mangpateg ken sik-a, Apo. Maid polos gedan mang-adi ay mangipagtek isnan kinangatom tay sik-a et kedeng nan kasasantowan. Isonga awnit omali nan ipogaw isnan am-in ay ili ay mangdayaw ken sik-a tay inil-ilada am-in nan ostoosto ay ik-ikkam.”

Naipagtek 16:11

dadapay menkalkali is ngawi ken Apo Dios id daya gapo isnan ligatda ya sakitda. Ngem adida kayet balbaliwan nan ngawi ay ik-ikkanda.