Jonas 1:6 - Kalin Apo Dios

⁶ Dat omey nan kapitan di bapol ken siya et kanana, “Dakan aped maseseyep? Bomangonka adi ta menpabadangka gedan isnan diosmo ta baleng pay seg-angana datako ta adi tako matey.”

Jonas 1:6 Iomraidhean Croise

Salmo 107:6

Dadat mendawat isnan apo isnan madadanaganda et isalakana daida isnan ligatda.

Salmo 78:34

Ngem no waday madosa ay mapatey ken daida et siya abes nan somagongan nan tap-ida ken Apo Dios dadapay menbabawi ya menlowalo ken siya.

Ezekiel 18:2

“Dadan kankanan nan naay pangwani ay maipanggep isnan Israelita en, ‘Nan am-a nan nangkakan isnan men-alsem ay obas ngem aped nan an-akda nan nangilo nan bab-ad.’

Amos 5:15

Dokoganyo nan ngawi dayopay layden nan osto ya makailanyo ta nan nalinteg nan maikkan isnan pag-okoman. Et waay seg-angan nan kangangatowan ay apo nan ipogaw ay daan ay matmatago isnan naay ay ili.

Jonas 3:8

Am-in nan ipogaw et masapol ay menbadoda is sako ya sako gedan nan aplag di talaken. Masapol ay ipasnekyo ay menlowalo ken Apo Dios dayopay isaldeng nan ngawi ay ogaliyo ya ngawi ay ik-ikkanyo.

Jonas 3:9

Baleng pay balbaliwan Apo Dios nan ninemnemna ta adi et makalkaliget ken datako ta adi tako matey.”

Aapostolis 21:13

Dat songbatan Pablo ay mangwani en, “Dayon agaan sak-en? Dayon pasakiten nan nemnemko? Nakasaganaak isnan mangibalodanda ken sak-en olay no mangpateyda id Jerusalem maipanggep isnan pammatik ken Apo Jesus.”

Roma 13:11

Masapol am-ameden tako ay ikkan nan gawis tay getken tako ay omas-as-asag-en nan agew ay omaliyan kasin Kristo. Isonga masapol ay adi tako komaneg nan maseseyep ay ipogaw nodi kanayon ay ik-ikkan tako nan obla tako ay pala ken Apo Dios.

Efeso 5:14

Daet no ilaenda nan kangawida et matanggewan nan nemnemda dadat menbalin is gawis. Et siya nan gapo ay wada nan day-eng ay naay, “Magidoka ay naseyep. Matagoka ay natey, Ta tanggewan Kristo nan nemnemyo.”