Jonas 1:4 - Kalin Apo Dios

⁴ Ngem dat ipaey nan apo nan napigsa ay dagem issan baybay et menlemlem is napinapigsa et kanega madadael nan bapol.

Jonas 1:4 Iomraidhean Croise

Salmo 135:6

Ikkana nan kagagasingna isnan daya ya isnan batawa ya isnan baybay ya isnan daemna.

Salmo 135:7

Siya nan mangipangato isnan liboo isnan solsolin nan batawa. Ya pabal-ena nan kimat ay maikadkadwa isnan odan ya pabal-ena gedan nan dagem isnan nang-idolinana.

Salmo 148:8

Dayawen gedan nan mangtongpal isnan bilina ay nan kimat, dalalo, liboo ya napigsa ay dagem siya.

Exodo 10:13

Dat isawad Moses san sokodna daet ipaey nan apo nan dagem ay nagapo isnan balaan di agew. Sin-agew ya sinlabiyan ay nindagem issan deey ay ili. Kawakgatana pay dat ikawit nan dagem nan adoado ay dodon et ipaeyna isnan dagan nan Egipto

Exodo 10:19

Dat ipadagem nan apo nan napigpigsa ay dagem ay nagapo isnan maon-onogan di agew et ipallosna san deeyday dodon isnan baybay ay makwani en Gadangdang. Maid polos nabay-an is dodon isnan ilin nan Egipto.

Exodo 14:21

Dat oyaden Moses nan ledengna isnan kad-an di baybay daet ipadagem nan apo nan napigsa ay dagem ay nagapo isnan balaan di agew et mensiyanena nan danom. Sinlabiyan ay nindagem et naango nan gawan nan baybay tay nasiyan nan danom et nakadwa.

Nomero 11:31

Nakwas pay di dat ipaey nan apo nan dagem ay nang-iyey is kasabasabag ay nagapo isnan bandan di baybay. Waay esay metro nan kangaton nan tayawenda ay magapo isnan lota. Inompada isnan liliwesen nan kampoda ya enggana isnan ado ay kilometro nan kaad-addawina.