Jonas 1:3 - Kalin Apo Dios

³ Dat menlobwat si Jonas ngem teken nan ninpaeyana ta itagtagana koma nan apo. Inmey id Joppe et das-ana nan bapol ay menpaey id Tarso ay ili id Espania. Binayadana nan pilitina daet makilogan issan bapol ay omey id Espania tapno omaddawi isnan apo.

Jonas 1:3 Iomraidhean Croise

Genesis 3:8

Issan nalabiyana dadat dengngen ay mendad-aan nan apo ay Dios isnan galdin. Dadat men-gago isnan kak-aiw

Genesis 4:16

Dat komaan si Cain isnan kad-an nan apo et omey mentee isnan ili ay kangadan is Nod ay wada isnan batog di balaan di agew isnan Eden. Dat omanak kasin da Adam ken Eva is lalaki ay kangadan is Set. Nan esay anak Set et si Enos. Nan esay anak Enos et si Kenan. Nan esay anak Kenan et si Mahalalel. Nan esay anak Mahalalel et si Jared. Am-in da tona et wada pay nan adoado ay an-akda ya naam-aam-amada esadapay matey. Nan esay anak Jared ay lalaki et si Enoc ya wada pay nan tap-in di anakna. Issan natatagowan Enoc et gawis nan inik-ikkana isonga laylayden Apo Dios siya. Dat aped mamaid tay inalan Apo Dios ay makitee ken siya. Nan esay anak Enoc ay lalaki et si Matusalem. Nan esay anak Matusalem ay lalaki et si Lamec. Nan esay anak Lamec ay lalaki et si Noe. Si Noe et tolo nan an-akna ay lalalaki ay da Sem, Ham ya si Jafet.

1 Aali 19:9

Issan ninbaatan Elias et inomdan isnan bilig ay Sinai dat omyan isnan liyang. Dat kanan nan apo ken siya en, “Elias, ay ngan nan ik-ikkam isna?”

Salmo 107:23

Wada nan tap-ida isnan bapbapol tay siya nan menlagbowanda is menkatagoda.

Isaias 2:16

Awnitna gedan ilin-eb am-in ay bapol ay olay nan kadakelan ya kabegewan.

Isaias 60:9

Daida nan bapol ay magapgapo isnan anaddawi ay il-ili ay mang-isaa isnan ipogaw Apo Dios. Ikakawitda nan palata ya balitok ay idayawda isnan ngadan nan apo ay Dios di Israel ay nang-ipadayaw isnan ipogawna isnan am-in ay kaili-ili.

Jonas 1:10

Danat itoloy ay mang-ibaga en itagtagtagana nan apo. Isnan nangdengan nan mentetee isnan bapol isnan kinwanin Jonas dadat inmegyat dadapay kanan, “Ay inayan, kaeegyat nan inikkam.”

Jonas 4:2

Danat kanan, “apo, ay egayak kinwani isdin esakpay komaan id baey ay siya na nan awnitmo ikkan isonga inkakamok et tomagtagak ay omey id Espania? Getkek ay managlayadka ya managseg-angka ay Dios, naanos ya kanayon ay nakasaganaka ay mangbaliw isnan ninemnemmo ta adika mendosa.

Lucas 9:62

Ngem daet kanan Jesus, “Nan mensamsama ay mangsagosagong isnan dokogna et baken gawis nan samaena. Kaneg abes nan makmakkey ken sak-en ay mangsagosagong isnan dodokogana et adida mappay isnan mentolayan Apo Dios.”

Aapostolis 15:38

Ngem kanan Pablo en olay adi makkey siya tay siya san linmayaw isdin kad-anda id Pamfilia et egayna itoloy ay mangbadang isnan oblada.

Aapostolis 26:19

Dat itoloy Pablo ay mangwani, “Isonga, Apo Ali Agripa, tinongpalko nan inpagtek Apo Jesus ken sak-en

Aapostolis 9:36

Wada abes nan kangadan is Tabita ay in-ina ay mamati ken Jesus id Joppe. Nan pangwanida isnan kalin di Griego et Dorcas tay nan kanan nan ngadana et ogsa. Gawis am-in nan inik-ikkana isnan ipogaw danapay badbadangan nan kokodokdo.

Aapostolis 9:38

Ngem gintek nan mamati ken Jesus ay wada si Pedro id Lidda ay sag-en nan ilida dadat ibaa nan dowa ay amam-a ay omey mang-ayag ken siya ay mangwani, “Pangaasim ta ikakamom ay omey id Joppe.”

Aapostolis 9:42

Nan inommat ken Dorcas et nagtek isnan am-in ay omili id Joppe dat omad-ado nan mamati ken Apo Jesus.

Aapostolis 9:43

Nintetee si Pedro id Joppe is nadandan ay agew isnan baey Simon ay mensapsapo is lalat.

1 Corinto 9:16

Tay maid lebbengko ay maidayaw gapo isnan mangibagbagaak isnan gawis ay damag. Nodi masapol ay ikkak tay inayan no adiyak ikkan tay siya nan tet-ewa ay ipaob-oblan Apo Dios ken sak-en.

2 Tesalonica 1:9

Nan dosada gapo isnan nang-adyanda isnan tet-ewa et maisiyanda ken Apo Dios ay eng-enggana ya adida polos makasag-en isnan pilmi ay kinangatona.