Jonas 1:17 - Kalin Apo Dios

¹⁷ Dat isnan bilin nan apo et inoklong di dakedake ay ikan si Jonas et nintetee isnan eges san ikan is tolo ay agew ya labi.

Jonas 1:17 Iomraidhean Croise

Genesis 1:21

Dadat mawada tay binoliw Apo Dios nan dadadadakke ay matagtago ay kaneg nan bowaya ya nan am-in ay nateketeken ay mentetee isnan danom ya nan am-in ay wada nan payakna. Dat men-gasing si Apo Dios isnan inilana.

Jonas 2:10

Dat bilinen nan apo nan ikan ta ipabalana si Jonas isnan benget di baybay.

Jonas 4:6

Dat patobowen nan apo ay Dios nan esay mola ay manglinong ken Jonas ta adi kaagewan. Et pilmi ay nagasingan si Jonas issan mola.

Habakuk 3:2

Kanana en, “apo, dinngek nan inik-ikkam ay naidaydayawam et pilmi nan panangpategko ken sik-a. Ikkam kad kasin id wani nan kaneg san nakaskasdaaw ay inik-ikkam ya managseg-angka koma ay olay no makakaligetka.

Mateo 12:40

Tay din si Jonas et nintee isnan eges di dakkel ay ikan isnan tolo ay agew. Kaneg abes ken sak-en ay Iyon-an Am-in di Ipogaw et awnitak maikakaob is tolo ay agew.

Mateo 16:4

Palalo nan kangawin nan ipogaw id wani ay timpo tay adida polos nemnemen si Apo Dios. Laydenyo ay omipailaak is kaskasdaaw ngem maid polos maipaila ken dakayo nodi kedeng nan kaneg nan kaskasdaaw ay inommat ken Jonas id sang-adom.” Kinwanin Jesus di danat taynan daida.

Lucas 11:30

Tay din si Jonas et nintetee isnan eges di dakkel ay ikan is toloy agew et siya nan pangilaslasinan nan iNineve ay siya nan inbaan Apo Dios ay mangibaga isnan kalina. Kaneg abes ken sak-en ay Iyon-an Am-in di Ipogaw et nan awnit ommat ken sak-en nan pangilaslasinan nan ipogaw id wani.