Joel 2:32 - Kalin Apo Dios

³² Ngem am-in ay menpabadang isnan apo et awnit maisalakan ay kaneg nan kinwanina en, ‘Nan tap-in di iJerusalem et awnitda mailisi isnan kaeegyat ya nan pinilik et awnitda matago.’ ”

Joel 2:32 Iomraidhean Croise

Salmo 50:15

Dat no waday ligat et sak-en nan mendawatanyo et awnitak isalakan dakayo dakayot mangdaydayaw.”

Jeremias 31:7

Kanan nan apo en, “Menkanta kayo ay men-gasgasing dakayo ay Israelita tay dakayo nan kapatgan isnan am-in ay ipogaw. Ikantayo nan mangdaydayawanyo ta kananyo en, ‘Insalakan nan apo nan nabay-an ay ipogawna.’

Mikias 5:3

Et awnit baybay-an nan apo nan ipogawna enggana ay iyanak nan babai nan anakna ay lalaki. Makwas di daet somagong nan ipogawna ay naipakaan ay kaneg balod ta kasinda maipos-a isnan kailyanda ay Israelita.

Juan 10:16

Wada pay nan tap-in di kalnilok ay egay naitatapi isnan naayda ay naipopokok et masapol ay iyalik daida isna ta idngeda abes nan kalik tasiyay maaam-inda ya ta maeesa nan mangbanbantay ken daida.

Juan 4:22

Dakayo ay iSamaria et adiyo getken no sino nan daydayawenyo ngem dakami ay Judio et getkenmi nan daydayawenmi tay nagapo isnan Judio nan awnit mangisalakan.

Aapostolis 15:17

tasiyay mang-anap nan kaipoipogaw olay nan baken Judio ay inawisko ay menbalin is ipogawko.

Aapostolis 2:39

Tay nakitolag si Apo Dios ay mangwani en, ‘Am-in kayo ay ayagak et awnit komapet nan Ispirito Santo ken dakayo ya nan an-akyo ya nan ap-oyo, olay nan ipogaw ay baken Judio olay sino ay ipogaw ay ayagak et makapetda isnan Ispirito Santo.’”

Roma 11:26

Isonga awnit maisalakan nan nagapo isdin si Israel ay kangadan is Jacob met laeng. Naibaga isnan esay naisolat id kasin ay mangwani en, “Awnit omali nan mangisalakan isnan kaipoipogaw ay magapo id Sion. Nan ikkana et kaanena nan ngawi isnan ap-on din si Jacob.

Roma 11:5

Et paliso id wani ay timpo tay wada nan nagabis ay pinilin Apo Dios gapo tay kayatna ay ited nan gawis ay badangna ken daida.

Roma 11:7

Isonga sino nan inommat? Egay dinatngan nan Judio nan inan-anapda. Kedkedeng nan atiatik ay napili is nangdateng. Nan adoado ay tapina ay Judio et kinmenteg nan oloda.

Roma 9:24

Et datako ay mamati nan ipogaw ay deeyda. Ngem baken kedeng nan Judio is inayagana nodi nalak-am nan baken Judio abes.

Roma 9:27

Et wada abes nan inpabagan Apo Dios ken Isaias id kasikasin ay maipanggep isnan Judio ay ipogaw ay nagapo isdin si Israel. Kinwanina en, “Olay no kaneg nan lagan isnan baybay nan kaad-adon nan nagapo isdin si Israel et atiatik ken daida nan awnit maisalakan.

Hebreo 12:22

Ngem datako id wani et teken tay somagsag-en tako isnan tet-ewa ay mentetean nan tet-ewa ay Dios ay makwani en Jerusalem id daya ya nan esay ngadana et Sion. Wada isdi nan kalibolibo ay aanghel ay men-galalasing isnan mangdayawanda ken Apo Dios.